ବେଜିଂ,୨୪।୧୧: ଚାଇନାରେ ଗତ ୪୩ ବର୍ଷ ମଧ୍ୟରେ ୧୯୭୮ ପରଠାରୁ ଜନ୍ମ ହାର ସର୍ବନିମ୍ନ ସ୍ତରକୁ ଖସି ଆସିଛି। ଯେତେବେଳେ ଚାଇନା ସରକାର ଜନସଂଖ୍ୟା ସଙ୍କଟ ଦୂର କରିବାକୁ ସଂଘର୍ଷ କରୁଛନ୍ତି। ନିକଟରେ ଦ ଗାର୍ଜିଅନର ଏକ ରିପୋର୍ଟରେ ଏହା ଦାବି କରାଯାଇଛି। ଚାଇନାର ସରକାରୀ ବିଭାଗ, ନ୍ୟାସନାଲ ଷ୍ଟାଟିଷ୍ଟିକ୍ସ ବ୍ୟୁରୋର ତଥ୍ୟକୁ ଦର୍ଶାଇ ରିପୋର୍ଟରେ କୁହାଯାଇଛି ଯେ ୨୦୨୦ ଜନ୍ମ ହାର ପ୍ରତି ହଜାରରେ ୮.୫ ପ୍ରତିଶତ ଥିଲା। ୧୯୭୮ ପରଠାରୁ ଏହା ସର୍ବନିମ୍ନ ବୋଲି କୁହାଯାଉଛି।
ଚାଇନା ପାଇଁ ସବୁଠାରୁ ଚିନ୍ତାଜନକ ବିଷୟ ହେଉଛି ଯେ ସମସ୍ତ ସରକାରୀ ଯୋଜନା ପରେ ମଧ୍ୟ ଦେଶରେ ପ୍ରାକୃତିକ ଅଭିବୃଦ୍ଧି ହାର ୨୦୨୦ରେ ୧.୪୫ ପ୍ରତିଶତକୁ ଖସି ଆସିଛି। ଏହି ରିପୋର୍ଟରେ କୁହାଯାଇଛି ଯେ ପ୍ରସବ ଉପରେ ଦଶନ୍ଧି ଧରି ହସ୍ତକ୍ଷେପ ନୀତି ତଥା ଉଚ୍ଚ ଜୀବିକା ଖର୍ଚ୍ଚ ହ୍ରାସ ପାଇବା ପରେ ସରକାର ସମ୍ଭାବ୍ୟ ଜନସଂଖ୍ୟା କମୁଥିବା ନେଇ ଚିନ୍ତାରେ ପଡ଼ିଛନ୍ତି। ଜନ୍ମ ହାର ବୃଦ୍ଧି କରିବାକୁ ସରକାର ଚେଷ୍ଟା କରୁଛନ୍ତି।
ଏଭଳି ନାଟକୀୟ ହ୍ରାସର କାରଣ ନେଇ କୌଣସି ରିପୋର୍ଟ ପ୍ରକାଶ ପାଇ ନାହିଁ। ଲୋକମାନେ ସନ୍ତାନ ଜନ୍ମ କରିବାକୁ ଚାହୁଁ ନାହାନ୍ତି ବୋଲି ଦ ଗାର୍ଜିଅନ ରିପୋର୍ଟରେ ଉଲ୍ଲେଖ କରାଯାଇଛି। ପରିସଂଖ୍ୟାନ ଦର୍ଶାଇଛି ଯେ ଗତ କିଛି ବର୍ଷ ଧରି ଚାଇନାରେ ଜନ୍ମ ହାର କ୍ରମାଗତ ଭାବେ ହ୍ରାସ ପାଉଛି।
‘ଗୋଟିଏ ଶିଶୁ ନୀତି’କୁ କୋହଳ କରିବା ପରେ ମଧ୍ୟ ଚାଇନାର ଲୋକମାନେ ଆଉ ସନ୍ତାନ ଜନ୍ମ କରିବାକୁ ରାଜି ହେଉ ନାହାନ୍ତି। ଚାଇନା ହେଉଛି ବିଶ୍ୱର ସବୁଠାରୁ ଜନବହୁଳ ଦେଶ। ବିଗତ ବର୍ଷଗୁଡିକରେ ଏକ-ଶିଶୁ ନୀତି ଅବଲମ୍ବନ କରାଯିବା ଦ୍ୱାରା ଦେଶରେ ଯୁବ ଜନସଂଖ୍ୟା ଦ୍ରୁତଗତିରେ ହ୍ରାସ ପାଉଛି ଏବଂ ଜନ୍ମ ହାର କମିବାରେ ଲାଗିଛି। ଯାହା ସରକାରଙ୍କ ପାଇଁ
ଚିନ୍ତାର କାରଣ ପାଲଟିଛି।