ଭୁବନେଶ୍ୱର,୪।୮: ଭାରତୀୟ ମାନକ ବ୍ୟୁରୋ (ବ୍ୟୁରୋ ଅଫ୍ ଇଣ୍ଡିଆନ ଷ୍ଟାଣ୍ଟାର୍ଡ ବା ବିଆଇଏସ୍)ର ଓଡ଼ିଶା ଶାଖା ପକ୍ଷରୁ ଭୁବନେଶ୍ୱରର ଓଡ଼ିଶା ବୈଷୟିକ ଏବଂ ଅନୁସନ୍ଧାନ ବିଶ୍ୱବିଦ୍ୟାଳୟ (ଓୟୁଟିଆର୍) ଠାରେ ଏକ ଦିନିକିଆ କର୍ମଶାଳାର ଆୟୋଜନ କରାଯାଇଥିଲା। ଓଡ଼ିଶା ସରକାରଙ୍କ ଲେବର ଆଣ୍ଡ ଇଏସ୍ଆଇ ଡିପାର୍ଟମେଣ୍ଟ ଏବଂ ଆଇକ୍ୟୁଇଏମ୍ଏସ୍ର ମିଳିତ ସହଯୋଗରେ କର୍ମଶାଳା ଶନିବାର ଅନୁଷ୍ଠିତ ହୋଇଯାଇଛି। କର୍ମଶାଳାର ଉଦ୍ଘାଟନୀ ଅଧିବେଶନରେ ଓଡ଼ିଶାର ବୈଷୟିକ ଏବଂ ଅନୁସନ୍ଧାନ ବିଶ୍ୱବିଦ୍ୟାଳୟର କୁଳପତି ଡ. ବିଭୁଭୂଷଣ ବିଶ୍ୱାଳ ଅଧ୍ୟକ୍ଷତା କରିଥିଲେ। ଏହି ଅବସରରେ ବିଆଇଏସ୍ ଭୁବନେଶ୍ୱରର ନିର୍ଦ୍ଦେଶକ ଏ.କେ.ପୁରୋହିତ ସମ୍ମାନିତ ଅତିଥି ଭାବେ ଯୋଗଦେଇ ସ୍ବାଗତ ଅଭିଭାଷଣ ଓ ସମ୍ବୋଧନକରି କହିଥିଲେ, ଡାକ୍ତରଖାନା ଏବଂ ସମ୍ପ୍ରଦାୟ ଭବନ ପରି ସ୍ବତନ୍ତ୍ର ସ୍ଥାନରେ ଏନ୍ଆଇସି-୨୦୨୩ କିପରି ବୈଦ୍ୟୁତିକ ସ୍ଥାପନର ସୁରକ୍ଷାକୁ ସାହାଯ୍ୟ କରିପାରିବ ସେ ବିଷୟରେ ସେ ବିସ୍ତୃତ ବର୍ଣ୍ଣନା କରିଥିଲେ।
ସେହିଭଳି ଅଶ୍ୱିନୀ କୁମାର ଦାସ ପୂର୍ବତନ ସଦସ୍ୟ ଓଇଆର୍ସି ଓଡ଼ିଶା ଏବଂ ପରାମର୍ଶଦାତା ଶକ୍ତି ଆଇକ୍ୟୁଇଏମ୍ଏସ୍, ପ୍ୟାରୀମୋହନ ମିଶ୍ର ଇଆଇସି କମ୍ ପିସିଇଆଇ ଶକ୍ତି ବିଭାଗ ଓଡ଼ିଶା ସରକାର ଅନ୍ୟତମ ଅତିଥି ଭାବେ ଯୋଗଦେଇ ନିଜର ମତ ଉପସ୍ଥାପନ କରିଥିଲେ। ପରିଶେଷରେ ଆଇକ୍ୟୁଇଏମ୍ଏସ୍ର ସିଓଓ ସୁବ୍ରତ ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ। ଅପରପକ୍ଷରେ ଏକ ବୈଷୟିକ ଅଧିବେଶନ ‘ଏନ୍ଇସି ଭାରତର ଏକ ସମୀକ୍ଷା-୨୦୨୩-କ’ଣ ନୂଆ’ ଶୀର୍ଷକ ବିଷୟବସ୍ତୁ ଉପରେ ଋତିକ ଆନନ୍ଦ, ବୈଜ୍ଞାନିକ-ଡି,ଇଟିଡି, ବିଆଇଏସ୍,ନୂଆଦିଲ୍ଲୀ,କେନ୍ଦ୍ରୀୟ ବିଦ୍ୟୁତ ନିୟମାବଳୀ-୨୦୨୩, ଡି.କେ.ବାଉରୀ, ନିର୍ଦ୍ଦେଶକ, ଆର୍ଆଇଓ (ପୂର୍ବ), କେନ୍ଦ୍ରୀୟ ବିଦ୍ୟୁତ୍ ପ୍ରାଧିକରଣ, ଶକ୍ତି ମନ୍ତ୍ରଣାଳୟ, ଭାରତ ସରକାର, ଗୋପ କୁମାରଙ୍କ ଦ୍ୱାରା ବିଦ୍ୟୁତ୍ ସହିତ କାମ କରିବା ପାଇଁ ନୂତନ ସଂକେତ ଏବଂ ନିୟମକୁ ନୂତନ ପରିବର୍ତ୍ତନ, ସଭାପତି, ନ୍ୟାଶନାଲ ଫେଡେରେଶନ୍ ଅଫ୍ ଇଞ୍ଜିନିୟର୍ସ ଫର୍ ଇଲେକ୍ଟ୍ରିକାଲ ସେଫ୍ଟି ଆଣ୍ଡ ମେମ୍ବର ଇଟିଡି୨୦-ବିଆଇଏସ୍ ଉପରେ ମତପ୍ରକାଶ କରିଥିଲେ।
ଏହା ପରେ ଓଡ଼ିଶାର ଓଇଆର୍ସିର ପୂର୍ବତନ ସଦସ୍ୟ ତଥା ଆଇକ୍ୟୁଇଏମ୍ଏସ୍ର ଶକ୍ତି ପରାମର୍ଶଦାତା ଅଶ୍ୱିନୀ କୁମାର ଦାସଙ୍କ ତତ୍ତ୍ୱାବଧାନରେ ଏକ ପ୍ୟାନେଲ ଡିସ୍କଶନ (ଆଲୋଚନା) ଅନୁଷ୍ଠିତ ହୋଇଥିଲା। ନ୍ୟାଶନାଲ ଇଲେକ୍ଟ୍ରିକାଲ୍ କୋଡ୍ ଅଫ୍ ଇଣ୍ଡିଆ-୨୦୨୩ (ଏନଇସି-୨୦୨୩), ବିଆଇଏସ୍ ଦ୍ୱାରା ପ୍ରସ୍ତୁତ ଏକ ବିସ୍ତୃତ ବୈଦ୍ୟୁତିକ ସଂସ୍ଥାପନ କୋଡ୍, ଏକ ବୈଦ୍ୟୁତିକ ସଂସ୍ଥାପନ ଅଭ୍ୟାସକୁ ନିୟନ୍ତ୍ରଣ କରିବା ପାଇଁ ଏକ ଜାତୀୟ ଉପକରଣ ।