ଗାନ୍ଧୀନଗର,୫।୯: କଂଗ୍ରେସ ନେତା ରାହୁଲ ଗାନ୍ଧୀଙ୍କ ଗୁଜରାଟ ଗସ୍ତ ପୂର୍ବରୁ ବିଶ୍ୱନାଥସିଂ ବଘେଲା ରାଜ୍ୟ ଯୁବ କଂଗ୍ରେସ ଅଧ୍ୟକ୍ଷ ପଦରୁ ଇସ୍ତଫା ଦେଇଛନ୍ତି। ଏଭଳି ସ୍ଥିତିରେ ଗୁଜରାଟରେ କଂଗ୍ରେସକୁ ଆଉ ଏକ ବଡ଼ ଝଟକା ଲାଗିଛି। କଂଗ୍ରେସରେ ଯୋଗଦିଅ ଅଭିଯାନରେ ରାହୁଲ ଗୁଜରାଟ ଆସୁଥିବା ବେଳେ ତାଙ୍କ ଦଳରେ କଂଗ୍ରେସ ଛାଡ଼ ଅଭିଯାନ ଚାଲିଛି ବୋଲି ଭାଜପା ରାଜ୍ୟ ମୁଖପାତ୍ର ରୁତ୍ଭିଜ ପଟେଲ କହିଛନ୍ତି। ୩୫ ବର୍ଷୀୟ ବିଶ୍ୱନାଥସିଂ ଚଳିତବର୍ଷ ଜାନୁୟାରୀରେ ରାଜ୍ୟ ଯୁବ କଂଗ୍ରେସର ଅଧ୍ୟକ୍ଷ ଭାବେ ନିଯୁକ୍ତ ହୋଇଥିଲେ।