ଚିତ୍ରକୂଟର ଖୋହିରେ ଜଣେ ବ୍ୟକ୍ତିଙ୍କ ଘରେ ଥିବା ଜୁଲି ନାମକ ଏକ କୁକୁର ୫ଟି ଛୁଆ ଜନ୍ମଦେବାରୁ ବେଶ୍ ଧୂମଧାମରେ ଉତ୍ସବ ପାଳିଛନ୍ତି ଗ୍ରାମବାସୀ। ଏପରିକି ନିମନ୍ତ୍ରଣ କାର୍ଡ ଛପାଇ ପାଖ ଗ୍ରାମର ଲୋକଙ୍କୁ ଖାଇବାକୁ ଦେଇଛନ୍ତି କୁକୁରର ମାଲିକ। ତେବେ ଆୟୋଜିତ ଉତ୍ସବକୁ ନେଇ ବେଶ୍ ଚର୍ଚ୍ଚା ହେଉଛି।
ମୁସ୍ତାଫା ଖାନ୍ ନାମକ ଜଣେ ବ୍ୟକ୍ତି ଏହି ସୁଯୋଗକୁ ହାତ ଛଡ଼ା କରିବାକୁ ଚାହିଁଲେ ନାହିଁ। ସେ ପଡ଼ୋଶୀଙ୍କୁ ଡାକି ଗାଁରେ ବ୍ୟାଣ୍ଡ ବାଜା ବଜାଇ ଉତ୍ସବର ଆୟୋଜନ କରିଥିଲେ। ଘରକୁ ଅତିଥିମାନେ ଆସି କୁକୁର ଛୁଆଙ୍କୁ ଆଶୀର୍ବାଦ ଦେଇଛନ୍ତି।
କୁକୁର ଛୁଆ ଜନ୍ମ ଦେବା ଯେତିକି ଚର୍ଚ୍ଚା ନୁହେଁ, ଉତ୍ସବ ପାଳନ ପାଇଁ ଛପା ଯାଇଥିବା ନିମନ୍ତ୍ରଣ କାର୍ଡ ସବୁଠୁ ଚର୍ଚ୍ଚାରେ। କାରଣ ଏଥିରେ ଲେଖାଥିଲା ‘ଶ୍ରୀ କାମତାନାଥ ମହାରାଜ ଜୀଙ୍କ ଅସୀମ ଅନୁକମ୍ପା ମୋର ପ୍ରିୟ ଜୁଲି(କୁକୁର) ୫ ପୁତ୍ରକୁ ଜନ୍ମ ଦେଇଛି। ଏହି ପରିପ୍ରେକ୍ଷୀରେ ନୃତ୍ୟ, ସଙ୍ଗୀତ କାର୍ଯ୍ୟକ୍ରମ ୨୬ ଜାନୁୟାରୀ ୨୦୨୧ରେ ଅନୁଷ୍ଠିତ ହେବ। ଏଣୁ ଆପଣମାନଙ୍କୁ ଏହି ଉତ୍ସବରେ ଯୋଗ ଦେବାକୁ ସାଦର ଆମନ୍ତ୍ରିତ କରୁଛି।
