ନୂଆଦିଲ୍ଲୀ: ବିଦେଶରେ ବିଟ୍ କଏନ୍ର ଚାହିଦା ଓ ମୂଲ୍ୟ ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଏହାର ପ୍ରଭାବ ଏସିଆ ବଜାରରେ ଦେଖିବାକୁ ମିଳିଛି। ଏହି କଏନ ପ୍ରତି ଗ୍ରାହକଙ୍କର ଆକୃଷ୍ଟ ବଢ଼ିବାରେ ଳାଗିଛି। ଫଳରେ ଗତ ମାସରେ ଏସିଆରେ ଏହାର ମୋଟ୍ ନିବେଶ ୧ ଟ୍ରିଲିୟନ ବା ୧ ହଜାର କୋଟି ଡଲାର ବୃଦ୍ଧି ପାଇଥିବା ଜଣାପଡ଼ିଛି। ଶନିବାର ଏହି କ୍ରିପ୍ଟୋ କରେନ୍ସି ବା ବିଟ୍କଏନ ଏକ ନୂଆ ରେକର୍ଡ ହାସଲ କରିଛି।
ବିଶ୍ୱର ସବୁଠାରୁ ଲୋକପ୍ରିୟ ତଥା ଲାଭବାନ ମୁଦ୍ରା କୁହାଯାଇଥିବା ଏହି କ୍ରିପ୍ଟୋ କରେନ୍ସି (ବିଟକଏନ୍) ୫୬,୬୨୦ ଡଲାର ଛୁଇଁଛି। ଯାହା ଏକ ରେକର୍ଡ ସ୍ତର ବୋଲି ନିବେଶକମାନେ ମତ ଦେଇଛନ୍ତି। ଗତ ସପ୍ତାହରେ ଏହାର ଦାମ୍ ପ୍ରାୟ ୧୮% ବୃଦ୍ଧି ପାଇଥିଲା। ଚଳିତ ବର୍ଷ ଏହାର ମୂଲ୍ୟ ଆହୁରି ବୃଦ୍ଧି ପାଇବ ବୋଲି ଅନୁମାନ କରାଯାଉଛି। ବିଟକଏନ୍ ଏତେ ଲୋକପ୍ରିୟ ଓ ଲାଭବାନ ହେବାର କାରଣ ହେଉଛି ଏହା ପ୍ରତି ବଡ଼ ବଡ଼ ନିବେଶକ ଓ ପୁଞ୍ଜିପତିମାନେ ଆକୃଷ୍ଟ ହୋଇ ଏଥିରେ ନିବେଶ କରିଛନ୍ତି ଏପରିକି ଟେସଲା, ମାଷ୍ଟରକାର୍ଡ ଭଳି କମ୍ପାନୀ ଏଥିରେ କାରବାର କରୁଥିବା ସୂଚନା ମିଳିଛି। ବିଟକଏନ୍ ପରେ ଇଥିରିୟମର ମଧ୍ୟ ଚାହିଦା ବଢିଛି।