ପୁଣେ,୨୩।୩: ସ୍ଥାନୀୟ ମହାରାଷ୍ଟ୍ର କ୍ରିକେଟ ଆସୋସିଏଶନ ଷ୍ଟାଡିୟମରେ ଖେଳାଯାଉଥିବା ଭାରତ-ଇଂଲଣ୍ଡ ପ୍ରଥମ ଦିନିକିଆ ମ୍ୟାଚ୍ରେ ଏକ ଅଜବ ଘଟଣା ଦେଖିବାକୁ ମିଳିଛି। ଭାରତୀୟ ଟିମ୍ ବ୍ୟାଟିଂ କରୁଥିବା ବେଳେ ମାତ୍ର ୧୬ ବଲ୍ ପରେ ଅମ୍ପାୟାର ବଲ୍ ପରିବର୍ତ୍ତନ କରିଥିଲେ। କାରଣ ଏହା ନଷ୍ଟ ହୋଇ ଯାଇଥିଲା। ଓପନର ଶିଖର ଧଓ୍ବନ୍ଙ୍କ ଏକ ଶର୍ଟ ପରେ ବଲ୍ରେ କଣା ହୋଇଯାଇଥିବା କୁହାଯାଉଛି।
ପ୍ରକାଶ ଯେ, ଇଂଲଣ୍ଡ ଟସ୍ ଜିତିବା ପରେ ଭାରତକୁ ବ୍ୟାଟିଂ ଲାଗି ଆମନ୍ତ୍ରିତ କରିଥିଲା। ଭାରତ ପକ୍ଷରୁ ରୋହିତ ଶର୍ମା ଏବଂ ଶିଖର ଧଓ୍ବନ ଓପନିଂ ଲାଗି ଆସିଥିଲେ। ଦଳ ପ୍ରଥମ ଦୁଇ ଓଭରରେ ୪ ରନ୍ କରିଥିଲା। ପରେ ମାର୍କ ଉଡ୍ଙ୍କ ତୃତୀୟ ଓଭରର ଚତୁର୍ଥ ବଲ୍ରେ ଧଓ୍ବନ୍ ଏକ ଭଲ ଶର୍ଟ ଖେଳିଥିଲେ। ଏହା ଚୌକା ହୋଇଥିଲା। ବଲଟି ଉଇକେଟକିପର ପାଖକୁ ଆସିବା ପରେ ଏହାର ଯାଞ୍ଚ କରାଯାଇଥିଲା। ଅମ୍ପାୟାର ବଲ୍ର ଅବସ୍ଥା ଦେଖି ନୂଆ ବଲ୍ ଆଣିବାକୁ ନିର୍ଦ୍ଦେଶ ଦେଇଥିଲେ। ତେବେ ବ୍ୟାଟ୍ସମ୍ୟାନ୍ମାନେ ଆକ୍ରାମକ ଶର୍ଟ ଖେଳି ନ ଥିଲେ ସୁଦ୍ଧା ବଲ୍ର ଏଭଳି ଅବସ୍ଥା ଅନେକଙ୍କୁ ଚକିତ କରିଥିଲା। ଏବେ ସୋସିଆଲ ମିଡିଆରେ ପ୍ରଶଂସକମାନେ ଘଟଣାକୁ ନେଇ ଚର୍ଚ୍ଚା କରୁଛନ୍ତି।