ହାଟଡିହୀ,୧୭l୫(ଶୁଭକାନ୍ତ ନାୟକ): କେନ୍ଦୁଝର ଜିଲା ଆନନ୍ଦପୁର ବିଧାନସଭା କ୍ଷେତ୍ରରେ ବିଜେଡି ତରଫରୁ ଶୁକ୍ରବାର ୩ନଂ ଜୋନରେ ନିର୍ବାଚନୀ ପ୍ରଚାର ହୋଇଛି। କର୍ମୀ ଏବଂ ସମର୍ଥକ ବେଲବାହାଳି ଠାରେ ଏକତ୍ରିତ ହୋଇଥିଲେ। ବିଜେଡି ବିଧାୟକ ପ୍ରାର୍ଥୀ ଅଭିମନ୍ୟୁ ସେଠୀ କର୍ମୀ ଏବଂ ସମର୍ଥକଙ୍କ ସହ ବେଲବାହାଳି, ପୁରୁଣିଆ, ନୂଆଗଡ, ଜଳସୁଆ, ସିଆପଡା, ମଙ୍ଗଳପୁର, ଟୋଲଙ୍କପଡା, ଚାଟରା, ଡିହସାହି ପ୍ରଭୃତି ଅଞ୍ଚଳରେ ଏକ ବିଶାଳ ବାଇକ ରାଲି କରିଥିଲେ । ଭୋଟରଙ୍କ ଘରକୁ ଯାଇ ଡବଲ ଶଙ୍ଖ ଚିହ୍ନରେ ଭୋଟ ଦେବାକୁ କହିଥିଲେ। ବିଭିନ୍ନ ସ୍ଥାନରେ ମହିଳା ମାନେ ଅଭିମନ୍ୟୁଙ୍କୁ ଫୁଲ ତୋଡ଼ା ଦେଇ ପ୍ରଚାରକୁ ସ୍ବାଗତ କରିଥିଲେ।
ଓଡିଶାରେ ନବୀନ ସରକାର ହିଁ ବିକାଶର ଏକମାତ୍ର ବିକଳ୍ପ ବୋଲି ଭୋଟର ଭେଟି ଜଣାଇଥିଲେ। କର୍ମୀ ଏବଂ ସମର୍ଥକମାନେ ବିଜେଡି ସରକାର ଅମଳରେ ହୋଇଥିବା ବିଭିନ୍ନ ବିକାଶ ଏବଂ ଜନକଲ୍ୟାଣ ଯୋଜନାର ସ୍ଲୋଗାନ ଦେଇଥିଲେ। ଏଥିସହ ଶଙ୍ଖ ଚିହ୍ନରେ ଭୋଟ ଦେବାକୁ ଅଭିମନ୍ୟୁ ଏବଂ ସମର୍ଥକମାନେ ପ୍ରଚାର ଜରିଆରେ ନିବେଦନ କରିଥିଲେ । ଶରତ ସାହୁ, ପଦ୍ମଲୋଚନ ସାହୁ, ଅରୁଣ ସାହୁ, ସଞ୍ଜୟ ଦାସ, ଗୋବର୍ଦ୍ଧନ ସାହୁ, ବିନୋଦ ମହାପାତ୍ର, ରସା ମହାପାତ୍ର, ବିନୋଦ ରଣା, ଛବି ମାଝୀ, ବିଦ୍ୟାଧର ମାଝୀ ପ୍ରମୁଖଙ୍କ ସମେତ ବହୁ ସଂଖ୍ୟାରେ ଯୁବ ଗୋଷ୍ଠୀ ଏବଂ ବରିଷ୍ଠ କର୍ମୀ ଉପସ୍ଥିତ ଥିଲେ ।
