କେସିଙ୍ଗା,୨୬।୩(ଡି.ଏନ୍.ଏ.): କଳାହାଣ୍ଡି ଜିଲା କେସିଙ୍ଗା ଏନ୍ଏସିରେ ପୌର ନିର୍ବାଚନ ଫଳାଫଳ ପ୍ରକାଶ ପାଇଛି। କେସିଙ୍ଗା ଏନ୍ଏସି ଅଧ୍ୟକ୍ଷ ଭାବେ ବିଜେଡି ପ୍ରାର୍ଥୀ ନୃପରାଜ ଯାଦବ ବିଜୟୀ ହୋଇଛନ୍ତି। ନୃପରାଜ ୫୧୦୩ ଖଣ୍ଡ ଭୋଟ ପାଇ ଥିବାବେଳେ କଂଗ୍ରେସର ରାମ କୁମାର ଜୈନ ୪୧୯୧ ଖଣ୍ଡ ଭୋଟ ପାଇଥିଲେ। ଭାଜପାରୁ ସଚିନ ଜୈନ ୧୫୮୭ ଭୋଟ ପାଇଥିବା ବେଳେ ସ୍ବାଧୀନ ପ୍ରାର୍ଥୀ ମୋତି କୈବର୍ତ୍ତ ୧୪୬, ଆମ୍ ଆଦମୀ ପାର୍ଟିରୁ ରାଧେଶ୍ୟାମ ଅଗ୍ରୱାଲ ୬୬
ଖଣ୍ଡ ଭୋଟ ପାଇଛନ୍ତି। ବିଜେଡି ପ୍ରାର୍ଥୀ ନୃପରାଜ ୯୧୨ ଖଣ୍ଡ ଭୋଟରେ ବିଜୟୀ ହୋଇଥିବା ନିର୍ବାଚନ ଅଧିକାରୀ ଜ୍ୟୋତିର୍ମୟ କର ପ୍ରକାଶ କରିଛନ୍ତି।
କେସିଙ୍ଗା ଏନ୍ଏସି ଅଧ୍ୟକ୍ଷ ଭାବେ ନୃପରାଜ ବିଜୟ ହେବା ପରେ ଏନ୍ଏସି କାର୍ଯ୍ୟାଳୟରେ କର୍ମୀମାନେ ତାଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ କରିଥିଲେ। ପରେ ୱାର୍ଡ ନମ୍ବର ୧ ଓ ୨ରେ ବିଜେଡି ପକ୍ଷରୁ ଶୋଭାଯାତ୍ରା କରାଯାଇଥିଲା
ଅନ୍ୟପକ୍ଷେ ବିଜେଡିର ୯ କାଉସିଲର ପ୍ରାର୍ଥୀ ବିଜୟୀ ହୋଇଥିବା ବେଳେ ଭାଜପା, କଂଗ୍ରେସ ଏବଂ ସ୍ବାଧୀନରୁ ଜଣେ ଲେଖାଏଁ ପ୍ରାର୍ଥୀ ବିଜୟୀ ହୋଇଛନ୍ତି।