ଦଳ ବିରୋଧୀ କାର୍ଯ୍ୟକଳାପ ପାଇଁ ଦଳରୁ ବରିଷ୍ଠ ନେତାଙ୍କୁ ବାହାର କଲା ବିଜେଡି

ଢେଙ୍କାନାଳ,୨୮ା୨: ଦଳ ବିରୋଧୀ କାର୍ଯ୍ୟକଳାପ ପାଇଁ ବିଜୁ ଜନତା ଦଳ (ବିଜେଡି) ବୁଧବାର ଢେଙ୍କାନାଳ ଜିଲାର କଙ୍କଡାହାଡାର ପୂର୍ବତନ ବ୍ଲକ ଚେୟାରମ୍ୟାନ୍ କାର୍ତ୍ତିକ ସାହୁଙ୍କୁ ବହିଷ୍କାର କରିଛି।

ବିଜେଡି ପକ୍ଷରୁ ଏକ ପ୍ରେସ ବିଜ୍ଞପ୍ତି ଅନୁଯାୟୀ ଦଳର ସାଂଗଠନିକ ସଚିବ ପ୍ରଣବ ପ୍ରକାଶ ଦାସ ଏହି ସୂଚନା ଦେଇଛନ୍ତି। ବନ୍ଧୁ ମିଳନ ନାଁରେ ୧୦ହଜାର ଅଧିକ ଲୋକଙ୍କୁ ନେଇ କଙ୍କଡାହାଡାରେ ଏକ ବିଶାଳ ରାଲି କରିବା ପରେ ପାର୍ଟି ଏହି ନିଷ୍ପତି ନେଇଛି।

ଗତ କିଛି ଦିନ ହେବ ସାହୁ ପରଜଙ୍ଗର ବର୍ତ୍ତମାନର ବିଧାୟକଙ୍କ ବିରୋଧରେ ସମାନ୍ତରାଳ ସମାବେଶ ଆୟୋଜନ କରିଆସୁଛନ୍ତି। ସେ ଏହା ପୂର୍ବରୁ କହିଥିଲେ ଯେ ତାଙ୍କ ସମାବେଶ ପାର୍ଟି ଆଧାରକୁ ମଜବୁତ କରିବା ପାଇଁ ଉଦ୍ଦିଷ୍ଟ ଥିଲା ଏବଂ ପାର୍ଟିକୁ ଭଲ ପାଇବା କାରଣରୁ ହଜାର ହଜାର ଲୋକ ଏହି ସଭାରେ ଯୋଗ ଦେଇଥିଲେ।