ଭୁବନେଶ୍ୱର,୨୬।୨(ବ୍ୟୁରୋ): ତ୍ରୀସ୍ତରୀୟ ପଞ୍ଚାୟତ ନିର୍ବାଚନ ଗଣତିର ପ୍ରଥମ ଦିନରେ ୩୧୫ ଜିଲା ପରିଷଦ ଜୋନ୍ରେ ଗଣତି ଚାଲିଛି। ଶନିବାର ସନ୍ଧ୍ୟା ୬ଟା ସୁଦ୍ଧା ଆସିଥିବା ରିପୋର୍ଟ ଅନୁଯାୟୀ ୩୧୫ ଜିଲା ପରିଷଦ ଜୋନ୍ରୁ ୨୭୫ରେ ବିଜେଡି ଆଗୁଆ ରହିଛି। ଭାଜପା ମାତ୍ର ୨୧ଟିରେ ଆଗୁଆ ଥିବା ବେଳେ କଂଗ୍ରେସ ସ୍ଥିତି ନ କହିବା ଭଲ। ତେବେ କଂଗ୍ରେସ ୧୪ଟି ଆସନରେ ଆଗରେ ଚାଲିଛି। ସେହିଭଳି ଅନ୍ୟାନ୍ୟ ପ୍ରାର୍ଥୀ ୫ ଆସନରେ ଆଗୁଆ ରହିଛନ୍ତି। ଏହି ଗଣତି ତିନି ଦିନ ଚାଲିବାକୁ ଥିବା ବେଳେ ୨୭ରେ ୩୦୭ଟି ଏବଂ ୨୮ରେ ବାକି ଥିବା ୨୨୯ ଜୋନ୍ର ଫଳାଫଳ ପ୍ରକାଶ ପାଇବ।