ବରଗଡ଼,୯।୭(ପ୍ରେମାନନ୍ଦ ଖମାରୀ): ବରଗଡ଼ରେ ବିଜେଡିର ରୁଦ୍ଧଦ୍ୱାର ବୈଠକ ବସିଛି । ଦଳର ବରିଷ୍ଠ ନେତା ତଥା ବିଧାୟକ ପ୍ରସନ୍ନ ଆଚାର୍ଯ୍ୟଙ୍କ ବରଗଡ଼ସ୍ଥିତ ବାସଭବନରେ ଏହି ବୈଠକ ଅନୁଷ୍ଠିତ ହୋଇଛି। ଏହି ବୈଠକରେ ସ୍ନେହାଙ୍ଗିନୀ ଛୁରିଆ, ପୂର୍ବତନ ମନ୍ତ୍ରୀ ରୀତା ସାହୁ, ପଦ୍ମପୁର ବିଧାୟିକା ବର୍ଷା ସିଂ ବରିହା ପ୍ରମୁଖ ଯୋଗ ଦେଇଥିଲେ। ଭାଜପା ସରକାର ବିକାଶଧାରାକୁ ଅଟକାଉଥିବା ବିଜେଡି ଅଭିଯୋଗ କରିଛି। ଅନ୍ୟପକ୍ଷେ ଭାଜପା କହିଛି ବିଜେଡି ପରାଜୟକୁ ସ୍ବୀକାର କରିପାରୁନାହିଁ । ବିକାଶମୂଳକ କାର୍ଯ୍ୟରେ କୌଣସି ସାଲିସ କରାଯିବ ନାହିଁ ବୋଲି ଭାଜପା କହିଛି।
ପୂର୍ବରୁ ପ୍ରତାପ ଦେବଙ୍କ ଘରେ ମଧ୍ୟ ବୈଠକ ହୋଇଥିଲା।
ଯେଉଁଠାରେ ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଓ ପ୍ରମିଲା ମଲ୍ଲିକ ଉପସ୍ଥିତ ଥିଲେ।
