କଂଗ୍ରେସ ସହ ମେଣ୍ଟ କରିବ ବିଜେଡି! ଜାତୀୟ ଗଣମାଧ୍ୟମରେ ଚର୍ଚ୍ଚା ଆରମ୍ଭ

ନୂଆଦିଲ୍ଲୀ,୧୮।୭: ଲୋକ ସଭାରେ ୨୪୨ଟି ଆସନ ଜିତିଥିବା ଭାଜପା ହୁଏତ ନୀତୀଶ କୁମାର, ଚନ୍ଦ୍ରବାବୁ ନାଇଡୁ ଏବଂ ଚିରାଗ ପାଶୱାନଙ୍କ ଭଳି ସହଯୋଗୀମାନଙ୍କ ସହାୟତାରେ ସଂଖ୍ୟାଗରିଷ୍ଠତା ଅତିକ୍ରମ କରିଥାଇପାରେ, କିନ୍ତୁ ରାଜ୍ୟ ସଭାରେ ଭାଜପାର ସଂଖ୍ୟାଗରିଷ୍ଠତା ନାହିଁ। ଏପରିକି ଏନଡିଏ ସହିତ ଭାଜପା ସଂଖ୍ୟାଗରିଷ୍ଠତା ଠାରୁ ଏତେ ଦୂରରେ ଯେ ଜୁଲାଇ ୨୨ରୁ ଆରମ୍ଭ ହେବାକୁ ଥିବା ମୌସୁମୀ ଅଧିବେଶନରେ ଭାଜପାକୁ ନିଜ ପସନ୍ଦର ଗୋଟିଏ ବି ବିଲ ପାରିତ ହେବା ପାଇଁ ବହୁ ସଂଘର୍ଷ କରିବାକୁ ପଡିବ। ଏହାର ଏକମାତ୍ର କାରଣ ହେଉଛି ଲୋକ ସଭା ନିର୍ବାଚନ, ଯେଉଁଠାରେ ଭାଜପା ନିଜର ନେତାମାନଙ୍କୁ ଶତ୍ରୁ କରିଦେଇଛି, ଯେଉଁମାନେ ଅସୁବିଧା ସମୟରେ ରାଜ୍ୟ ସଭାରେ ବନ୍ଧୁଥିଲେ।

ରାଜ୍ୟ ସଭାରେ ମୋଟ ଆସନ ସଂଖ୍ୟା ୨୪୫ ଥିବା ବେଳେ ଏବେ ୨୨୬ ଏମ୍‌ପି ଅଛନ୍ତି। ଅର୍ଥାତ୍‌ ୧୯ ଟି ଆସନ ଖାଲି ରହିଛି। ସେଥିମଧ୍ୟରୁ ୧୧ଟି ଆସନରେ ନିର୍ବାଚନ ଅନୁଷ୍ଠିତ ହେବ। ଅବଶିଷ୍ଟ ୮ଟି ଆସନ ମଧ୍ୟରୁ ୪ଜଣଙ୍କୁ ରାଷ୍ଟ୍ରପତି ନିର୍ବାଚିତ କରିବେ। ଅବଶିଷ୍ଟ ୪ଟି ଆସନ ଜମ୍ମୁ-କାଶ୍ମୀରର। ଏହି ପରିପ୍ରେକ୍ଷୀରେ ୨୨୬ ସଦସ୍ୟ ବିଶିଷ୍ଟ ରାଜ୍ୟ ସଭାରେ ସଂଖ୍ୟାଗରିଷ୍ଠତା ହେଉଛି ୧୧୪। ଭାଜପା ପାଖରେ ମୋଟ ରହିଛି ୮୬। ଲୋକ ସଭାରେ ଯେଉଁ ଦଳ ଭାଜପା ସହିତ ସରକାର ଚଳାଉଛନ୍ତି, ତେବେ ସେମାନଙ୍କ ରାଜ୍ୟ ସଭା ସଦସ୍ୟମାନଙ୍କୁ ଯଦି ଯୋଡା ଯାଏ ତା’ହେଲେ ଏନଡିଏର ରାଜ୍ୟ ସଭାରେ ସଂଖ୍ୟା ହୋଇଯିବ ୧୦୧। ଏହାର ଅର୍ଥ ହେଉଛି ଯେ ଭାଜପା ରାଜ୍ୟ ସଭାରେ ସଂଖ୍ୟାଗରିଷ୍ଠତା ଠାରୁ ଏନଡିଏ ୧୩ଟି ସିଟ ପଛରେ ରହିବ।

ବର୍ତ୍ତମାନ ଯଦି ଏହି ଲୋକ ସଭା ନିର୍ବାଚନରେ ଭାଜପା ନିଜର ପୁରୁଣା ବନ୍ଧୁମାନଙ୍କୁ ଶତ୍ରୁ କରିନଥାନ୍ତା, ତେବେ ଏହି ୧୩ଟି ଆସନ ଭାଜପା ସହଜରେ ପୂରଣ କରିଦେଇଥାନ୍ତା। ନବୀନ ପଟ୍ଟନାୟକ ଏବଂ ଜଗନ ମୋହନ ରେଡ୍ଡୀ ଭାଜପାର ପୁରୁଣା ବନ୍ଧୁ। ଦୁହେଁ ଏନଡିଏରେ ନ ଥିଲେ ମଧ୍ୟ ସେମାନେ ଅତି କମରେ ରାଜ୍ୟ ସଭାରେ ଭାଜପାର ବନ୍ଧୁ ଥିଲେ, କିନ୍ତୁ ୨୦୨୪ ଲୋକ ସଭା ନିର୍ବାଚନ ପରେ ଓଡ଼ିଶା-ଆନ୍ଧ୍ରପ୍ରଦେଶରେ ବିଧାନସଭା ନିର୍ବାଚନ ପରେ ପରିସ୍ଥିତି ବଦଳି ଯାଇଛି। ଓଡ଼ିଶାରେ ଭାଜପା ବିଜୁ ଜନତା ଦଳ ଏବଂ ଏହାର ମୁଖ୍ୟ ନବୀନ ପଟ୍ଟନାୟକଙ୍କୁ କ୍ଷମତାରୁ ହଟାଇ ଦେଇଛି। ସେହିପରି ଆନ୍ଧ୍ରପ୍ରଦେଶରେ ଜଗନ ମୋହନ ରେଡ୍ଡୀଙ୍କ କ୍ଷମତାର ଭାଜପା ହଟାଇ ଦେଇଛି।

ଏହି ପରିପ୍ରେକ୍ଷୀରେ ନବୀନ ପଟ୍ଟନାୟକଙ୍କର ୯ ରାଜ୍ୟ ସଭା ଏମ୍‌ପି ଏବଂ ଜଗନ ମୋହନ ରେଡ୍ଡୀଙ୍କ ୧୧ ରାଜ୍ୟ ସଭା ଏମ୍‌ପି ମୋଟ ୨୦ ରାଜ୍ୟ ସଭା ଏମ୍‌ପି ଆଉ ଭାଜପା ସହ ନାହାଁନ୍ତି। ତେଣୁ ଭାଜପା ଯେତେ ଚେଷ୍ଟା କଲେ ମଧ୍ୟ ବର୍ତ୍ତମାନ ସଂଖ୍ୟାଗରିଷ୍ଠତା ହାସଲ କରିବାରେ ସକ୍ଷମ ହେଉନାହିଁ। ଅବଶିଷ୍ଟ ୧୧ ଆସନରେ ନିର୍ବାଚନ ଅନୁଷ୍ଠିତ ହେବ, ତେଣୁ ଭାଜପା ଏହି ଅତି କମରେ ୬ ଆସନ ସହଜରେ ଜିତିଯିବ। ଅବଶିଷ୍ଟ ଚାରିଟି ନାମାଙ୍କନ ମଧ୍ୟ ଭାଜପା ସପକ୍ଷରେ ଯିବ। ଏସବୁ ପରେ ମଧ୍ୟ ଭାଜପା ସଂଖ୍ୟାଗରିଷ୍ଠତା ଠାରୁ ୩ଟି ସିଟ ପଛରେ ରହିବ।

ଭାଜପାର ଏହି ଦୁର୍ବଳତାରୁ କଂଗ୍ରେସ ମଧ୍ୟ ଲାଭ ପାଇବ ନାହିଁ କାରଣ ବର୍ତ୍ତମାନ ରାଜ୍ୟ ସଭାରେ କଂଗ୍ରେସ ମାତ୍ର ୨୬ ଟି ଆସନ ପାଇଛି। ଯଦି ଇଣ୍ଡିଆ ବ୍ଲକର ସମସ୍ତ ସହଯୋଗୀଙ୍କ ଆସନ ଯୋଡାଯାଏ, ତେବେ ଏହି ସଂଖ୍ୟା ୯୦ଅତିକ୍ରମ କରିବାରେ ସକ୍ଷମ ନୁହେଁ କାରଣ ଏହା ବିଜୁ ଜନତା ଦଳ ହେଉ କିମ୍ବା ଓ୍ବାଇଏସ୍‌ଆରସିପି, ଉଭୟ ଭାଜପା ବିରୋଧୀ ହୋଇପାରନ୍ତି, କିନ୍ତୁ ସେମାନେ ମଧ୍ୟ ଇଣ୍ଡିଆ ବ୍ଲକର ଅଂଶ ନୁହଁନ୍ତି।ଏଭଳି ପରିସ୍ଥିତିରେ କଂଗ୍ରେସ ଏବଂ ଏହାର ସହଯୋଗୀ ଦଳ ରାଜ୍ୟ ସଭାରେ ଭାଜପାକୁ ଅଟକାଇ ପାରିବେ, କିନ୍ତୁ ସେମାନଙ୍କ ଇଚ୍ଛା ଅନୁଯାୟୀ କାର୍ଯ୍ୟ କରିପାରିବେ ନାହିଁ।