ଛତ୍ରପୁର,୩୧ା୫(ଡି.ଏନ୍.ଏ.): ପୁଣିଥରେ ପଦାରେ ପଡ଼ିଛି ଗଞ୍ଜାମ ବିଜେଡିର ଗୋଷ୍ଠୀ କନ୍ଦଳ। ଗଞ୍ଜାମ ଗ୍ରାସୀମ ଇଣ୍ଡଷ୍ଟ୍ରି କେମିକାଲ ଡିଭିଜନ ଶ୍ରମିକ ୟୁନିୟନ ନିର୍ବାଚନରେ ବାଜି ମାରିନେଇଛନ୍ତି ଛତ୍ରପୁର ବିଧାୟକଙ୍କ ବିରୋଧୀ ଗୋଷ୍ଠୀ। ବିରୋଧୀ ଗୋଷ୍ଠୀ ୫୨ଖଣ୍ଡ ଭୋଟ୍ ପାଇଥିବା ବେଳେ ବିଧାୟକଙ୍କ ଗୋଷ୍ଠୀ ମାତ୍ର ୩ ଖଣ୍ଡ ଭୋଟ୍ ପାଇଛନ୍ତି। ଅନ୍ୟପଟେ ବାମପନ୍ଥୀ ସମର୍ଥିତ ଗୋଷ୍ଠୀ ୧୧ଖଣ୍ଡ ଭୋଟ୍ ପାଇଛନ୍ତି। ତେବେ ବିଜୁ ଶ୍ରମିକ ସାମୁଖ୍ୟ ୟୁନିୟନର ଜି ସନ୍ତୋଷ ରେଡ୍ଡୀ ସମ୍ପାଦକ ଭାବେ ବିଜୟୀ ହୋଇଛନ୍ତି। ବିଜୟ ପରେ ବିଧାୟକଙ୍କ ବିରୋଧରେ ବର୍ଷିଛନ୍ତି ବିଜୟୀ ପ୍ରାର୍ଥୀ ଏବଂ କର୍ମୀ। ଛତ୍ରପୁର ନିର୍ବାଚନ ମଣ୍ଡଳୀର ଲୋକେ ବିଧାୟକଙ୍କୁ କେତେ ଗ୍ରହଣ କରୁଛନ୍ତି ବିଗତ ନିର୍ବାଚନଗୁଡ଼ିକରେ ଲୋକେ ଜାଣିସାରିଛନ୍ତି ବୋଲି କର୍ମୀମାନେ କହିଛନ୍ତି।