ନୂଆଦିଲ୍ଲୀ,୧୦।୧୨ : ଦିଲ୍ଲୀ ଏମସିଡି ନିର୍ବାଚନରେ ଏଏପି ଭାଜପାର ୧୫ ବର୍ଷା ଶାସନକୁ ସମାପ୍ତ କରିଛି। ଏଭଳି ପରିସ୍ଥିତିରେ ଉଭୟ ପକ୍ଷ ଏବେ ପରସ୍ପର ବିରୋଧରେ ଆରୋପ ପ୍ରତ୍ୟାରୋପ ଆଣିଛନ୍ତି। ଭାଜପା ମିଡ଼ିଆ ସେଲ ଦାୟିତ୍ୱରେ ଥିବା ହରିଶ ଖୁରାନାଙ୍କ କହିବାନୁସାରେ, ଏଏପିର ଏଜେଣ୍ଟମାନେ ଏବେ ଭାଜପା କର୍ପୋରେଟରମାନଙ୍କୁ ପ୍ରଲୋଭିତ କରିବାରେ ବ୍ୟସ୍ତ ଅଛନ୍ତି। ସେ କହିଛନ୍ତି ଯେ ଆମର ପ୍ରମାଣ ଅଛି ଯାହା ଆଜି ଆମେ ଦେଖାଉଛୁ।
ଏପରିକି ଭାଜପା କର୍ପୋରେଟର ମୋନିକା ପନ୍ତଙ୍କ ଘରକୁ ଯାଇଥିବା ଶିଖା ଗର୍ଗଙ୍କ ଫୋନ କଲ ବିବରଣୀ ଏବଂ ସିସିଟିଭି ଫୁଟେଜ ମଧ୍ୟ ଉପଲବ୍ଧ ଥିବା ସେ ହକିଛନ୍ତି। ଏସିବିରେ ମଧ୍ୟ ଆମେ ଏହା ଉପରେ ଅଭିଯୋଗ କରିବୁ ବୋଲି ସେ କହିଛନ୍ତି।
ଭାଜପାର ଏହି ଅଭିଯୋଗ ପରେ ଆମ ଆଦମୀ ପାର୍ଟି ଏମପି ମଧ୍ୟ ତାଙ୍କର ୩ ଜଣ କର୍ପୋରେଟରଙ୍କୁ ଗଣମାଧ୍ୟମ ସମ୍ମିଳନୀକୁ ନେଇଥିଲେ। ଯେଉଁଠାରେ ଏଏପି କର୍ପୋରେଟରମାନଙ୍କୁ ଡାକିବା ଏବଂ କିଣିବା ଅଭିଯୋଗ କରାଯାଇଛି। ଏହି ସମ୍ମିଳନୀରେ ଏଏପି କର୍ପୋରେଟରମାନେ ସେମାନଙ୍କୁ ଧମକ ମଧ୍ୟ ମିଳିଥିବା ଅଭିଯୋଗ କରିଛନ୍ତି। ଏଏପି ଅନୁଯାୟୀ, ଭାଜପା ପକ୍ଷରୁ କ୍ରସ ଭୋଟିଂ ପାଇଁ ୫୦ ଲକ୍ଷ ଟଙ୍କାର ଅଫର ପ୍ରଦାନ କରାଯାଇଥିଲା। ଭାଜପା ଅପରେଶନ ଲୋଟସ ଚଳାଉଥିବାର ଅଭିଯୋଗ ଏଏପି କରିଛି।
