କୋଲକାତା,୧୯ ।୧: ପଶ୍ଚିମବଙ୍ଗରେ ବିଧାନସଭା ନିର୍ବାଚନ ତାରିଖ ଯେତିକି ପାଖେଇ ଆସୁଛି ରାଜନୀତି ସେତେ ସରଗରମ ହେଉଛି । ରାଜନୈତିକ ପାର୍ଟି ମଧ୍ୟରେ କଥାକଟାକଟି ମଧ୍ୟ ଜାରି ରହିଛି । ମଙ୍ଗଳବାର ପୁରୁଲିଆରେ ଏକ ରାଲିକୁ ସମ୍ବୋଧନ ଦେବା ଅବସରରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଭାରତୀୟ ଜନତା ପାର୍ଟି(ଭାଜପା) ଓ ସିପିଏମ୍ ପାର୍ଟି ଆମ ବୈଠକରେ ନିଜ ଲୋକଙ୍କୁ ପଠାଇ ଉପଦ୍ରବ କରିବା ଆରମ୍ଭ କରି ଦେଇଛି । ଏବେ ଆମେବି ଏହାକୁ ଅପାଣାଇବୁ ବୋଲି ମମତା କହିଛନ୍ତି । ତ୍ରୁଣମୂଳ କଂଗ୍ରେସ(ଟିଏମ୍ସି) ନେତା ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଏକ ଦଳିତ ପରିବାର କହିଲା ଆମେ ଭାଜପା ନେତାଙ୍କୁ ନିଜ ପକେଟରୁ ଖର୍ଚ୍ଚ କରି ଖାଇବାକୁ ଦେଲୁ, ଏବେ ଆମେ ଏହାକୁ ଭରଣା କରିବୁ କିପରି । ଏହାପରେ ମମତା ତାଙ୍କ କର୍ମୀଙ୍କୁ କହିଛନ୍ତି ଯଦି ଆପଣମାନେ ଏମିତି କିଛି ଦେଖୁଛନ୍ତି ତେବେ ଏହାର ଭରଣା କରନ୍ତୁ । ଯଦି କେହି ଆପଣଙ୍କୁ ଭୋଟ ଦେବାପାଇଁ ଟଙ୍କା ଦେଉଛନ୍ତି ତେବେ ସେ ଟଙ୍କା ଆପଣ ନିଅନ୍ତୁ । ଆପଣମାନେ ଲୋକ ସଭା ନିର୍ବାଚନରେ ଯେଉଁ ଭାଜପା ପ୍ରାର୍ଥୀଙ୍କୁ ଭୋଟ ଦେଇ ଜିତାଇଥିଲେ ସେ କେବେ ଥରଟେ ଅପାଣମାନଙ୍କ ପାଖକୁ ଆସିଲେଣି । ତେଣୁ ଭାଜପା ଭୋଟ ପୂର୍ବରୁ କେବଳ ମିଛ ପ୍ରତିଶ୍ରୁତି ଦେଇଥାଏ ବୋଲି ମମତା କହିଛନ୍ତି ।