ଦେବଗଡ଼,୩ା୮(ଡି.ଏନ୍.ଏ.): ଦେବଗଡ଼ ନୀଳବର୍ନି ସାହି ବାଇପାସ ଛକ ଠାରେ ୪୯ ନମ୍ବର ଜାତୀୟ ରାଜପଥ ଅବରୋଧ କରିଛି ଭାଜପା। ଦେବଗଡ଼ ପୌରପରିଷଦରେ ହୋଇଥିବା ବିଭିନ୍ନ ଦୁର୍ନୀତିର ତଦନ୍ତ ଓ କାର୍ଯ୍ୟାନୁଷ୍ଠାନ ଦାବିରେ ରାସ୍ତା ଅବରୋଧ କରାଯାଇଛି। ଅପରାହ୍ନ ୨ଟାରୁ ୪ଟା ପର୍ଯ୍ୟନ୍ତ ରାସ୍ତା ଅବରୋଧ କରିଥିଲେ ଭାଜପା ଯୁବ ମୋର୍ଚ୍ଚା ଏବଂ ଏସ୍ସି ମୋର୍ଚ୍ଚାର ସଦସ୍ୟ। ଦେବଗଡ଼ ପୌର ପରିଷଦର ଅନିୟମିତତା, ଦୁର୍ନୀତି ଏବଂ ମନମୁଖି କାର୍ଯ୍ୟକୁ ବିରୋଧ କରି ୭ ଜଣ କାଉନସିଲର ଆଜକୁ ୧୦ ଦିନ ହେଲା ଆମରଣ ଅନଶନରେ ବସିଛନ୍ତି। ୧୫ ଦଫା ଦାବି ନେଇ ଆନ୍ଦୋଳନ ଜାରି ରହିଥିବା ବେଳେ ସମାଧାନ ପାଇଁ ପ୍ରଶାସନ କୌଣସି ପଦକ୍ଷେପ ନେଉ ନ ଥିବା ଅଭିଯୋଗରେ ବୁଧବାର ଭାଜପା ପକ୍ଷରୁ ଜାତୀୟ ରାଜପଥ ଅବରୋଧ କରାଯାଇଛି। ସେପଟେ ଆମରଣ ଅନଶନରେ ସାମିଲ ଥିବା କାଉନସିଲରଙ୍କ ମଧ୍ୟରୁ ୨ ଜଣଙ୍କର ସ୍ବାସ୍ଥ୍ୟାବସ୍ଥା ଦୁର୍ବଳ ହୋଇପଡ଼ିବାରୁ ଚିକିତ୍ସା ପାଇଁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।