ନୂଆଦିଲ୍ଲୀ,୩।୩: ଲୋକ ସଭା ନିର୍ବାଚନ ପାଇଁ ପ୍ରାର୍ଥୀଙ୍କ ପ୍ରଥମ ତାଲିକା ପ୍ରକାଶ ପାଇବା ପରେ ଭାଜପା ଦାନ ଅଭିଯାନ ଆରମ୍ଭ କରିଛି। ଏହି ସମୟ ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନାମୋ ଆପ ଜରିଆରେ ତାଙ୍କ ଦଳ (ଭାଜପା) କୁ ୨୦୦୦ଟଙ୍କା ଦାନ କରିଛନ୍ତି। ଏକ୍ସରେ ପୋଷ୍ଟ କରି ପ୍ରଧାନମନ୍ତ୍ରୀ ଏହି ସୂଚନା ଦେଇଛନ୍ତି। ସେ ଏକ୍ସରେ ଲେଖିଛନ୍ତି, ମୁଁ ପାର୍ଟିରେ ଯୋଗଦାନ କରି ଖୁସି ଅଟେ। ଏକ ବିକଶିତ ଭାରତ ଗଠନ ପାଇଁ ଆମର ପ୍ରୟାସକୁ ମଜବୁତ କର।
ପ୍ରଧାନମନ୍ତ୍ରୀ ମୋଦି ମଧ୍ୟ ସାଧାରଣ ଲୋକଙ୍କୁ ଟଙ୍କା ଦାନ କରିବାକୁ ଅନୁରୋଧ କରିଛନ୍ତି। ସେ କହିଛନ୍ତି ମୁଁ ମଧ୍ୟ ସମସ୍ତଙ୍କୁ ନାମୋ ଆପ ମାଧ୍ୟମରେ ଦାନ କରି ଭାରତ ଗଠନର ଏକ ଅଂଶ ହେବାକୁ ଅନୁରୋଧ କରୁଛି।
ଏହାପୂର୍ବରୁ ମାର୍ଚ୍ଚ ୧ ରେ ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡା ମଧ୍ୟ ଦଳକୁ ଦାନ କରିଥିଲେ। ସେ ଭାଜପାକୁ ୧ ହଜାର ଟଙ୍କା ଦାନ କରିଛନ୍ତି, ଯାହାର ସ୍କ୍ରିନସଟ ଇନଷ୍ଟାଗ୍ରାମରେ ଶେୟାର କରିଛନ୍ତି। ଏହି ଦାନ ପରେ ସେ କହିଥିଲେ, ମୁଁ ଭାରତକୁ ଏକ ବିକଶିତ ଭାରତ କରିବା ପାଇଁ ପ୍ରଧାନମନ୍ତ୍ରୀ ମୋଦିଙ୍କ ଦୃଷ୍ଟିକୁ ମୋର ବ୍ୟକ୍ତିଗତ ସମର୍ଥନ ଦେବା ପାଇଁ ଭାଜପାକୁ ଦାନ କରିଛି। ଆସନ୍ତୁ ସମସ୍ତେ ଆଗକୁ ଆସିବା ଏବଂ ନାମୋ ଆପ ଜରିଆରେ ନେସନ ବିଲଡିଂ ଜନ ଆନ୍ଦୋଳନ ପାଇଁ ଏହି ଦାନ କରିବା। ଏଥିରେ ଯୋଗ ଦିଅନ୍ତୁ।