ବେଙ୍ଗାଲୁରୁ,୧୪।୫ : ଟିକେଟ ନ ମିଳିବା ପରେ କର୍ନାଟକ ବିଧାନସଭା ନିର୍ବାଚନ ପୂର୍ବର ଭାଜପା ଛାଡ଼ି କଂଗ୍ରେସକୁ ପଳାଇ ଆସିଥିବା ପୂର୍ବତନ ମୁଖ୍ୟମନ୍ତ୍ରୀ ଜଗଦୀଶ ଶେଟ୍ଟାର ନିଜ ପାଇଁ ଏକ ବଡ଼ ବିଜୟର ପୂର୍ବାନୁମାନ କରିଥିଲେ। ରବିବାର ନ୍ୟୁଜ ଏଜେନ୍ସି କୁ ସୂଚନା ଦେଇ ଶେଟ୍ଟାର କହିଛନ୍ତି ଅର୍ଥ ବଳ ପ୍ରୟୋଗ କରାଯାଇ ହବଲି-ଧରୱାଡ କେନ୍ଦ୍ରୀୟ ବିଧାନସଭା ନିର୍ବାଚନମଣ୍ଡଳୀରେ ମତେ ଭାଜପା ପକ୍ଷରୁ ପରାଜିତ କରାଯାଇଛି।
ଲିଙ୍ଗାୟତ ନେତା ଶେଟ୍ଟାର ୩୪ ହଜାରରୁ ଅଧିକ ଭୋଟରେ ଭାଜପାର ମହେଶ ତେଙ୍ଗିନାକାଇଙ୍କଠାରୁ ପରାଜିତ ହୋଇଛନ୍ତି। ତାଙ୍କ ପ୍ରତିଦ୍ୱନ୍ଦ୍ୱୀଙ୍କୁ ଭୋଟରଙ୍କୁ ୫୦୦, ୧୦୦୦ ଟଙ୍କା ବଣ୍ଟନ କରିଥିବା ଅଭିଯୋଗ ଶେଟ୍ଟାର କରିଛନ୍ତି।
ଗତ ୬ ଟି ନିର୍ବାଚନରେ ଏଭଳି ମୁଁ ଦେଖି ନ ଥିଲି। ପ୍ରଥମ ଥର ପାଇଁ ଜଣେ ଭାଜପା ପ୍ରାର୍ଥୀ ଭୋଟରଙ୍କୁ ଟଙ୍କା ବଣ୍ଟନ କରିଛନ୍ତି।
ସେଠାରେ ଏକ ଅଣ୍ଡରକ୍ରେଣ୍ଟ ଅଛି। ଟଙ୍କା କିଛି ପରିବର୍ତ୍ତନ କରିପାରିବ। ମତେ ପରାସ୍ତ କରିବାକୁ ଭାଜପା ବହୁ ଉଦ୍ୟମ କରିଥିଲା। ମତେ ଟାର୍ଗେଟ କରାଯାଇଥିଲା ଏବଂ ଫଳସ୍ବରୂପ, ଭାଜପା ସମଗ୍ର ରାଜ୍ୟ ହରାଇଲା। ଦଳରେ ତାଙ୍କ ପ୍ରତି ଅନ୍ୟାୟ କରାଯାଇଛି, ତେଣୁ ସେ ଦଳ ଛାଡିଛନ୍ତି।
