ଶ୍ରୀନଗର, ୨୦।୯ : ଜମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିପି ସଭାପତି ମେହବୁବା ମୁଫତି ମଙ୍ଗଳବାର ଭାଜପା ସରକାରଙ୍କ ବିରୋଧରେ ବଡ଼ ଅଭିଯୋଗ ଆଣିଛନ୍ତି। ଜମ୍ମୁ-କଶ୍ମୀରର ସମସ୍ତ ଧାର୍ମିକ ତଥା ସୁଫି ପରମ୍ପରାକୁ ଭାଜପା ନଷ୍ଟ କରି ଦେଇଥିବା ସେ ଅଭିଯୋଗ କରିଛନ୍ତି। ମେହବୁବା କହିଛନ୍ତି ଭାଜପା ଏହାର ବିଭାଜନକାରୀ ଏଜେଣ୍ଡା କାର୍ଯ୍ୟକାରୀ କରି ଜମ୍ମୁ-କଶ୍ମୀରର ଧାର୍ମିକ ତଥା ସୁଫି ପରମ୍ପରାକୁ ଶେଷ ନକରିବା ପର୍ଯ୍ୟନ୍ତ ଭାଜପା ଏହାର କାର୍ଯ୍ୟ ଜାରି ରଖିବ ବୋଲି ଜଣାପଡୁଛି।
ବିଭିନ୍ନ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଅନ୍ୟ ଭାଜପା ନେତାମାନେ ପଗଡି ବାନ୍ଧୁଥିବାର ଫଟୋ ଶେୟାର କରି ମେହବୁବା ଟୁଇଟ କରି କହିଛନ୍ତି ଯେ ଭାଜପା ନେତା କପଟତା ସମସ୍ତ ସୀମା ପାର୍ କରିଛନ୍ତି। ସେମାନେ ମନ୍ଦିର, ଦରଘା କିମ୍ବା ଗୁରୁଦ୍ୱାରରେ ପଗଡ଼ି ବାନ୍ଧିବାର କୌଣସି ସୁଯୋଗ ହାତଛଡା କରନ୍ତି ନାହିଁ।
ଜମ୍ମୁ-କଶ୍ମୀରର ସାଂସ୍କୃତିକ ତଥା ପାରମ୍ପାରିକ ପ୍ରଥାକୁ ପ୍ରୋତ୍ସାହିତ କରିବା ପରିବର୍ତ୍ତେ ଭାଜପା ସରକାର ଧାର୍ମିକ ନେତାମାନଙ୍କୁ ଗିରଫ କରିବା କାର୍ଯ୍ୟ ଜାରି ରଖିଛନ୍ତି। ଏହା ଅତ୍ୟନ୍ତ ନିନ୍ଦନୀୟ।