Categories: ଜାତୀୟ

‘ଭାଜପା ନେତା ସୃଷ୍ଟି କରେ ନାହିଁ, କେବଳ ଅନ୍ୟ ଦଳର ବିଧାୟକଙ୍କୁ ଉଠାଇ ନେଇଯାଏ’

ଅହମ୍ମଦାବାଦ,୧୫।୧୧: ଗୁଜରାଟ ବିଧାନସଭା ନିର୍ବାଚନକୁ ନେଇ ସରଗରମ ହୋଇପଡ଼ିଛି ରାଜନୀତି। ବିଭିନ୍ନ ରାଜନୈତିକ ଦଳ ମଧ୍ୟରେ କଥା କଟାକଟି ଦେଖିବାକୁ ମିଳୁଛି। ଏସବୁ ମଧ୍ୟରେ କଂଗ୍ରେସରୁ ରାଜ୍ୟ ସଭା ଏମ୍‌ପି ଥିବା ଆମିବେନ୍‌ ୟାଗନିକ୍‌ ଭାଜପା ଉପରେ ବଡ ଅଭିଯୋଗ ଲଗାଇଛନ୍ତି। ଭାଜପା ନେତା ସୃଷ୍ଟି କରେ ନାହିଁ। କେବଳ ଅନ୍ୟ ଦଳର ନେତାମାନଙ୍କୁ ନେଇଥାନ୍ତି ବୋଲି ସେ କହିଛନ୍ତି।

ଏକ କାର୍ଯ୍ୟକ୍ରମରେ ମୋଦୀ ସରକାରଙ୍କ ମନ୍ତ୍ରୀ ପୁରୁଷୋତ୍ତମ ରୁପାଲାଙ୍କ ସହ ମୁହାଁମୁହିଁ ହୋଇ ଆମିବେନ୍‌ ଭାଜପା କଂଗ୍ରେସ ବିଧାୟକଙ୍କୁ ଭାଙ୍ଗି ଦଳରେ ସାମିଲ କରୁଥିବା କହିଛନ୍ତି। ଯଦି କଂଗ୍ରେସ ଉତ୍ସାହର ସହ ନିର୍ବାଚନ ଲଢ଼ୁ ନ ଥାନ୍ତା ତେବେ ଏସବୁ ଦଳବଦଳ ଦେଖିବାକୁ ମିଳନ୍ତା ନାହିଁ। ସୋମାନେ ଆମ ଦଳର ବିଧାୟକମାନଙ୍କୁ ଉଠାଇ ନିଅନ୍ତେ ନାହିଁ। ଭାଜପା ନେତା ସୃଷ୍ଟି କରେ ନାହିଁ। ବରଂ ସେ ଅନ୍ୟ ଦଳର ନେତାମାନଙ୍କୁ ନେଇଯାଏ। ଦେଖିବାକୁ ଗଲେ ଭାଜପା ସମସ୍ତ ପୁରୁଣା ନେତାଙ୍କୁ ବସାଇ ଦେଇଛି। ନୂତନ ଲୋକଙ୍କୁ ଆଣିଛି ବୋଲି ସେ କହିଛନ୍ତି।

ଏହାଛଡ଼ା ଆମିବେନ୍‌ ରାହୁଲଙ୍କୁ ମୁଖ୍ୟ ବ୍ୟାଟ୍ସମ୍ୟାନ୍‌ ବୋଲି କହିଛନ୍ତି। ରାହୁଲ ଏବେ ଭାରତ ଯୋଡୋ ଯାତ୍ରା କରୁଛନ୍ତି। ବଡ ମିଶନରେ ଲାଗିଛନ୍ତି।  କଂଗ୍ରେସର ନୂଆ ଅଧ୍ୟକ୍ଷ ଆସିବେ। ସବୁ ସ୍ଥାନରେ ଗୋଟିଏ ବ୍ୟାଟ୍ସମ୍ୟାନ୍‌ କୁହନ୍ତି ନାହିଁ। ଅନ୍ୟମାନେ ମଧ୍ୟ ମୋର୍ଚ୍ଚା ସମ୍ଭାଳୁଛନ୍ତି ସେ କହିଛନ୍ତି।

Share