ମୁମ୍ବାଇ,୯।୩: ଶିବସେନାକୁ ଭାଙ୍ଗି ଭାଜପା ଏକ ବଡ ଅପରାଧ କରିଛି। ରାଜ୍ୟବାସୀ ଏହି ଯନ୍ତ୍ରଣାକୁ କେବେବି ଭୁଲି ପାରିବେ ନାହିଁ। ଏହା ଏମିତି ଏକ ‘ତୀର’ ଯାହା ମହାରାଷ୍ଟ୍ରର ହୃଦୟରେ ପ୍ରବେଶ କରିଛି। ମହାରାଷ୍ଟ୍ର ଏବଂ ଶିବସେନାବାସୀ ଏହାକୁ ଭୁଲି ପାରିବେ ନାହିଁ। ଭାଜପାକୁ କ୍ଷମା କରିବେ କି ନାହିଁ ତାହା ଜନସାଧାରଣ ନିଷ୍ପତ୍ତି ନେବେ। ବିରୋଧୀମାନେ ଆମକୁ ବହୁତ କଷ୍ଟ ପକାଇଲେ, ଆମେ ପ୍ରତିଶୋଧ ନେବାକୁ ସ୍ଥିର କରିଛୁ ବୋଲି ଶିବସେନା ଏମ୍ପି (ଠାକ୍ରେ ଗୋଷ୍ଠୀ) ସଞ୍ଜୟ ରାଉତ କହିଛନ୍ତି।
ନିକଟରେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ଏକ ବିବୃତ୍ତି ଦେଇଛନ୍ତି ଯେ, ଆମେ ସମସ୍ତ ବିରୋଧୀଙ୍କୁ କ୍ଷମା କରିଛୁ। ସଞ୍ଜୟ ରାଉତଙ୍କୁ କଡ଼ା ଜବାବ ଦେଇ କହିଛନ୍ତି, କ୍ଷମା ବାଣ୍ଟିବାକୁ ଆପଣ ବସିଛନ୍ତି କି? ତାଙ୍କୁ କ୍ଷମା କରାଯିବା ଉଚିତ କି ନୁହେଁ ଆମେ ସ୍ଥିର କରିବାକୁ ଚାହୁଁ। ମହାରାଷ୍ଟ୍ରର ସ୍ବାର୍ଥ ପାଇଁ କାର୍ଯ୍ୟ କରୁଥିବା ଏକ ଦଳକୁ କେନ୍ଦ୍ରୀୟ ଯାଞ୍ଚ୍ ଏଜେନ୍ସି ଏବଂ ଟଙ୍କା ବ୍ୟବହାର କରି ଭାଜପା ନଷ୍ଟ କରିଦେଇଛି।
