ବେଙ୍ଗାଲୁରୁ, ୨୦।୧୦: କର୍ନାଟକରେ ଭାଜପାରେ ବିଦ୍ରୋହ ଦେଖା ଦେଇଛି। ମୁଖ୍ୟମନ୍ତ୍ରୀ ବି.ଏସ୍.ୟେଦୁରପ୍ପାଙ୍କ ଉପରେ ଭାଜପା ହାଇକମାଣ୍ଡ ଅସନ୍ତୁଷ୍ଟ ରହିଛନ୍ତି। ଏନେଇ ବିଜାପୁର ବିଧାୟକ ବସନଗୌଡ଼ା ପାଟିଲ ଅତନାଲ୍ କହିଛନ୍ତି। ଦଳରେ ମୁଖ୍ୟମନ୍ତ୍ରୀଙ୍କୁ ପରିବର୍ତ୍ତନ ପାଇଁ ବିଧାୟକମାନେ ଚାହୁଁଥିବା ସେ ପ୍ରକାଶ କରିଛନ୍ତି। ରାଜ୍ୟ ମୁଖ୍ୟମନ୍ତ୍ରୀ ପଦବୀ ଉତ୍ତର କର୍ନାଟକର କୌଣସି ନେତାଙ୍କୁ ମିଳିବା ଆବଶ୍ୟକ ବୋଲି ସେ ମତପୋଷଣ କରିଛନ୍ତି। ଉତ୍ତର କର୍ନାଟକର ୧୦୦ ବିଧାୟକଙ୍କର ସମର୍ଥନ ୟେଦୁରପ୍ପା ସରକାରଙ୍କ ପ୍ରତି ରହିଛି। ନୂଆ ମୁଖ୍ୟମନ୍ତ୍ରୀ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ସୂଚନା ଦେଇଥିବା ବସନଗୌଡ଼ା କହିଛନ୍ତି। ୟେୁଦୁରପ୍ପା ଦକ୍ଷିଣ କର୍ନାଟକର ନେତା। ସରକାରରେ ଦକ୍ଷିଣ କର୍ନାଟକର ୧୫ ଜଣ ବିଧାୟକ ରହିଛନ୍ତି। ରାଜ୍ୟ ଯେଉଁ ଅଞ୍ଚଳର ଅଧିକ ବିଧାୟକ ସରକାରରେ ରହିଛନ୍ତି ନିୟମ ଅନୁସାରେ ସେହି ଅଞ୍ଚଳର ନେତାଙ୍କୁ ମୁଖ୍ୟମନ୍ତ୍ରୀ କରାଯିବା ଆବଶ୍ୟକ ବୋଲି ସେ କହିଛନ୍ତି।
