ଚେନ୍ନାଇ,୧୭।୯: ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନଙ୍କ ପୁଅ ଉଦୟନିଧି ଷ୍ଟାଲିନ ସନାତନ ଧର୍ମ ଉପରେ ଦେଇଥିବା ମନ୍ତବ୍ୟକୁ ନେଇ ବିବାଦ ଥମିବାର ନାଁ ଧରୁନି। ଗୋଟିଏ ପଟେ ଭାଜପା ଏହି ପ୍ରସଙ୍ଗରେ ବିରୋଧୀ ଦଳ ଉପରେ ଆକ୍ରମଣ କରୁଥିବାବେଳେ ଅନ୍ୟ ପଟେ କଂଗ୍ରେସ, ଟିଏମସି ସମେତ ମିଳିତ ମେଣ୍ଟ ‘ଇଣ୍ଡିଆ’ର କିଛି ଦଳ ଏଥିରୁ ନିଜକୁ ଦୂରେଇ ରଖିବା ଆରମ୍ଭ କରିଛନ୍ତି।
ବିହାରର ମିଥିଲାନଚାଲରେ ଏକ ରାଲିରେ ଅମିତ ଶାହା ସନାତନ ଧର୍ମ ଉପରେ ଦେଇଥିବା ମନ୍ତବ୍ୟ ପାଇଁ ‘ଇଣ୍ଡିଆ’ ମେଣ୍ଟ ଉପରେ ବର୍ଷିଥିଲେ। ଶାହାଙ୍କ ବିବୃତ୍ତିକୁ ବିରୋଧ କରି କଂଗେସର ନେତା କପିଲ ସିବଲ ଭାଜପାକୁ ଚ୍ୟାଲେଞ୍ଜ କରି କହିଛନ୍ତି ଯେ ଏହି ଦେଶର ଲୋକଙ୍କୁ କୁହ ଯେ ‘ସନାତନ’ର କେଉଁ ଗୁଣ ଅଛି।
କପିଲ ସିବଲ ରବିବାର ସାକ୍ଷାତକାରରେ କହିଛନ୍ତି ଯେ, ଭାଜପା ’ସନାତନ ଧର୍ମ’ର ସମର୍ଥକ କିମ୍ବା ସୁରକ୍ଷାକାରୀ ନୁହେଁ। ‘ସନାତନ ଧର୍ମ’ର ଗୁଣ ହେଉଛି ସଚ୍ଚୋଟତା, ଜୀବଜନ୍ତୁଙ୍କ ପ୍ରତି ଆଘାତ ନ ଦେବା, ଶୁଦ୍ଧତା, ଦାନ ଏବଂ ଧୈର୍ଯ୍ୟ। ସିବଲ ପଚାରିଥିଲେ କି ଭାଜପାର ଏହି ଗୁଣଗୁଡ଼ିକ ମଧ୍ୟରୁ ଗୋଟିଏ ଅଛି କି? ସନାତନ ଧର୍ମକୁ ବିଶ୍ୱାସ କରୁଥିବା ବ୍ୟକ୍ତି ହିଂସା ଏବଂ ଭେଦଭାବ ବିଷୟରେ କଥାବାର୍ତ୍ତା କରନ୍ତି ନାହିଁ। ଯିଏ ସନାତନ ନୁହଁନ୍ତି ସେ ସନାତନ ଧର୍ମକୁ କିପରି ରକ୍ଷା କରିବେ? ପ୍ରକୃତ ସନାତନ ଗାନ୍ଧୀଜୀ ଯିଏ ସତ୍ୟ ଆଧାରରେ ଚାଲୁଥିଲେ ଏବଂ ସୁଟ-ବୁଟ ନୁହେଁ ଏବଂ କର୍ବେଟ ପାର୍କକୁ ଯାଉଥିଲେ।
ସୂଚନାଯୋଗ୍ୟ, ବିହାରରେ ଏକ ରାଲିକୁ ସମ୍ବୋଧିତ କରି କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ କହିଛନ୍ତି ଯେ, ଡିଏମକେ ଏବଂ କଂଗ୍ରେସର ନେତାମାନେ କେବଳ ଭୋଟ ବ୍ୟାଙ୍କ ରାଜନୀତି ଉଦ୍ଦେଶ୍ୟରେ ସନାତନ ଧର୍ମକୁ ଧ୍ୱଂସ କରିବାକୁ କହୁଛନ୍ତି।
