ନୂଆଦିଲ୍ଲୀ,୧୯ ।୮: ଭାରତୀୟ ଜନତା ପାର୍ଟି(ଭାଜପା)ର ବରିଷ୍ଠ ନେତା ତଥା ରାଷ୍ଟୀୟ ମହାସଚିବ କୈଳାଶ ବିଜୟଭର୍ଗିୟ ଏକ ବିବାଦୀୟ ବୟାନ ଦେଇଛନ୍ତି । ଗୁରୁବାର ଇନେ୍ଦାରରେ ବିଜୟଭର୍ଗିୟ କହଛନ୍ତି, ଯେମିତି ଭାବେ ଆମେରିକାରେ ଯୁବତୀମାନେ ନିଜର ପୁରୁଷ ବନ୍ଧୁ ବଦଳାଇ ଥାଆନ୍ତି ଠିକ୍ ସେହି ଅବସ୍ଥା ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କର ।
ବିଜୟଭର୍ଗିୟ ଆହୁରି ମଧ୍ୟ କହିଛନ୍ତି, ଯେଉଁଦିନ ବିହାରରେ ସରକାର ବଦଳିଲା ସେଦିନ ମୁଁ ବିଦେଶରେ ଥିଲି, ସେପର୍ଯ୍ୟନ୍ତ ବ୍ୟକ୍ତି ଜଣଙ୍କ କହୁଥିଲେ ଆମର ଏଠି ଏମିତି ହୁଏ । ଆମେରିକାର ଯୁବତୀ କେତେବେଳେ ବି ପୁରୁଷ ବନ୍ଧୁ ବଦଳାଇ ପାରନ୍ତି । ବିହାର ମୁଖ୍ୟମନ୍ତ୍ରୀଙ୍କର ବି ସେହି ଅବସ୍ଥା । ସେ କେତେବେଳେ କାହା ହାତ ଧରନ୍ତି, ପୁଣି କେତେବେଳେ କାହା ହାତ ଛାଡି ଦିଅନ୍ତି । ଏହାର ଜବାବରେ କଂଗ୍ରେସ ନେତା ରଣଦୀପ ସିଂ ସୁରଜେୱାଲା କହିଛନ୍ତି, ଭାଜପାର ରାଷ୍ଟ୍ରୀୟ ମହାସଚିବଙ୍କ ଦ୍ୱାରା ନାରୀ ସମ୍ମାନର ନୂଆ ନମୁନା ଦିଆଯାଇଛି । ସୂଚନାଯୋଗ୍ୟ, କିଛିଦିନ ତଳେ ଏନଡିଏଠାରୁ ଅଲଗା ହୋଇ ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଜେଡିୟୁ ରାଷ୍ଟ୍ରୀୟ ଜନତା ଦଳ ସହ ମେଣ୍ଟ କରି ସରକାର ଗଠନ କରିଛି । ଏଥିରେ ନୀତୀଶ କୁମାର ମୁଖ୍ୟମନ୍ତ୍ରୀ ଥିବା ବେଳେ ଜେତସ୍ୱୀ ଯାଦବ ଉପ ମୁଖ୍ୟମନ୍ତ୍ରୀ ରହିଛନ୍ତି ।