ମୁମ୍ବାଇ,୭।୭: ମହାରାଷ୍ଟ୍ରରେ ଚାଲିଥିବା ରାଜନୈତିକ ଅସ୍ଥିରତା ମଧ୍ୟରେ ଭାଜପା ନେତା ପଙ୍କଜା ମୁଣ୍ଡେ ସ୍ପଷ୍ଟ କରିଛନ୍ତି ଯେ, ସେ ଭାଜପା ଛାଡୁ ନାହାଁନ୍ତି। ଏଥିସହ ରାହୁଲ ଗାନ୍ଧୀ ଏବଂ ସୋନିଆ ଗାନ୍ଧୀଙ୍କୁ ସେ ଭେଟିଛନ୍ତି ବୋଲି ଦାବି କରୁଥିବା ରିପୋର୍ଟକୁ ମଧ୍ୟ ଖଣ୍ଡନ କରିଛନ୍ତି। ଏହି ସମୟ ମଧ୍ୟରେ ସେ ବର୍ତ୍ତମାନ ରାଜନୀତିରୁ ବିରତି ନେବାକୁ ଘୋଷଣା କରିଛନ୍ତି।
ପଙ୍କଜା ମୁଣ୍ଡେ କହିଛନ୍ତି,୨୦୧୯ରୁ ଆମ ସମ୍ପର୍କରେ ଚାଲିଥିବା ଆଲୋଚନାରେ ମୁଁ ଥକି ପଡିଛି। ମୁଁ ଏକ କିମ୍ବା ଦୁଇ ମାସ ପାଇଁ ବିରତି ନେବାକୁ ଚାହୁଁଛି। ରାଜନୀତି କୁଆଡେ ଯାଉଛି ମୁଁ ଭାବିବାକୁ ଚାହେଁ। ଦେଶ କଣ ପାଇଛି। କିଏ କେଉଁ ପାର୍ଟିକୁ ଯାଉଛନ୍ତି ତାହା ଲୋକମାନେ ଦେଖୁଛନ୍ତି। କିଏ ମନ୍ତ୍ରୀ ହେବାକୁ ଯାଉଛନ୍ତି? ଜନସାଧାରଣ କ’ଣ ପାଇଛନ୍ତି? ମୁଁ ଏହା ବିଷୟରେ ଚିନ୍ତା କରିବାକୁ ଚାହେଁ। ମୋତେ ଯାହା କରିବାକୁ ପଡ଼ିବ ମୁଁ ବିଚାରାଧାରା ଆଧାରରେ କରିବି ।