ହରିଦ୍ୱାର,୨୪ା୯: ଉତ୍ତରାଖଣ୍ଡ ହରିଦ୍ୱାର ଜିଲାରେ ଏକ ରିସର୍ଟର ମହିଳା କର୍ମଚାରୀଙ୍କୁ ହତ୍ୟା ଅଭିଯୋଗରେ ବରିଷ୍ଠ ଭାଜପା ନେତା ବିନୋଦ ଆର୍ଯ୍ୟଙ୍କ ପୁଅ ପୁଲକିତ ଆର୍ଯ୍ୟଙ୍କୁ ଗିରଫ କରାଯାଇଛି। ଜିଲାର ଋଷିକେଶ ଅନ୍ତର୍ଗତ ଯମକେଶ୍ୱରଠାରେ ପୁଲକିତଙ୍କର ଏକ ରିସର୍ଟ ରହିଛି। ସେଠାରେ କାମ କରୁଥିବା ପୌରି ଗରଓ୍ବାଲ ଅଞ୍ଚଳର ଜଣେ ୧୯ ବର୍ଷୀୟା ଯୁବତୀ ସୋମବାର ନିଖୋଜ ହୋଇଯାଇଥିଲେ। ତାଙ୍କୁ ରିସର୍ଟର ଦୁଇଜଣ କର୍ମଚାରୀଙ୍କ ସହାୟତାରେ ହତ୍ୟା କରାଯାଇଥିବା ଜଣାପଡ଼ିଥିଲା। ପୋଲିସ ୨ କର୍ମଚାରୀଙ୍କୁ ଗିରଫ କରି ତଦନ୍ତ ଚଳାଇଛି। ହତ୍ୟାରେ ରିସର୍ଟ ମାଲିକ ପୁଲକିତ ସମ୍ପୃକ୍ତ ଥିବା ଅଭିଯୋଗ ପରେ ତାଙ୍କୁ ଗିରଫ କରାଯାଇଛି।