ଲକ୍ଷ୍ନୌ, ୮।୨ : ଉତ୍ତରପ୍ରଦେଶ ବିଧାନସଭା ନିର୍ବାଚନ ପାଇଁ ମଙ୍ଗଳବାର ପକ୍ଷରୁ ମଙ୍ଗଳବାର ନିଜର ଘୋଷଣା ପତ୍ର ପ୍ରକାଶ କରାଯାଇଛି। ଏହାର ନାମ ‘ଲୋକ କଲ୍ୟାଣ ସଙ୍କଳ୍ପ ପତ୍ର’ ରଖାଯାଇଛି। ଏଥିପାଇଁ ଭାଜପା ପକ୍ଷରୁ ‘ପରାମର୍ଶ ଆପକା, ସଙ୍କଳ୍ପ ହମାରା’ ନାମରେ ଏକ ଅଭିଯାନ ଚଳାଇ ଲୋକଙ୍କଠାରୁ ପରାମର୍ଶ ଲୋଡିଥିଲା। ସମାଜବାଦୀ ପାର୍ଟି ଏବଂ କଂଗ୍ରେସ ବୁଧବାର ନିଜ ନିଜର ଘୋଷଣା ପତ୍ର ପ୍ରକାଶ କରିପାରନ୍ତି।
ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ପ୍ରଦେଶ ଅଧ୍ୟକ୍ଷ ସ୍ବତନ୍ତ୍ର ଦେବ ସିଂଙ୍କ ଉପସ୍ଥିିତିରେ ଏହି ଘୋଷଣା ପତ୍ର ଜାରି କରିଛନ୍ତି।
ଘୋଷଣା ପତ୍ରରେ ପ୍ରତ୍ୟେକ ଘରର ଜଣେ ବ୍ୟକ୍ତିଙ୍କୁ ଚାକିରି, ଅନ୍ନପୂର୍ଣ୍ଣା ଯୋଜନା ଅନ୍ତର୍ଗତ ଶସ୍ତା ରାଶନ, ନିର୍ଦ୍ଦିଷ୍ଟ ମାନଦଣ୍ଡ ଆଧାରରେ ଛାତ୍ରୀମାନଙ୍କ ପାଇଁ ସ୍କୁଟି, ଛାତ୍ରମାନଙ୍କ ପାଇଁ ଲାପଟପ୍, ଟାବଲେଟ ଏବଂ ସ୍ମାର୍ଟ ଫୋନ ସ୍କିମ, କୃଷକମାନଙ୍କ ପାଇଁ ଫସଲ ବୀମା ଯୋଜନା, କୃଷକମାନଙ୍କୁ ଜଳସେଚନ ପାଇଁ ମାଗଣା ସୋଲାର ପମ୍ପ ଯୋଗାଇ ଦିଆଯିବାକୁ ପ୍ରତିଶ୍ରୁତି ପ୍ରଦାନ କରାଯାଇଛି।
ଲକ୍ଷ୍ନୌର ଗୋମତି ନଗରଠାରେ ଅବସ୍ଥିତ ଇନ୍ଦିରା ଗାନ୍ଧୀ ପ୍ରତିଷ୍ଠାନରେ ଏକ କାର୍ଯ୍ୟକ୍ରମରେ ଘୋଷଣା ପତ୍ର ପ୍ରକାଶ କରାଯାଇଛି।