ଲକ୍ଷ୍ନୌ,୨।୩: ଉତ୍ତରପ୍ରଦେଶର ସୋନଭଦ୍ରରେ ରାଜ୍ୟ ସଭା ଏମ୍ପି ଦର୍ଶନା ସିଂ ଭାଜପା କାର୍ଯ୍ୟାଳୟରେ ଏକ ଖବରଦାତା ସମ୍ମିଳନୀରେ ମୂଲ୍ୟ ବୃଦ୍ଧି ନେଇ ଗଣମାଧ୍ୟମକୁ ପରାମର୍ଶ ଦେଉଥିବାର ନଜର ଆସିଥିଲେ। ସେ କହିଛନ୍ତି, ମହଙ୍ଗା ନୁହେଁ, ଯେଉଁ ଜିନିଷ ଶସ୍ତା ହୋଇଛି ସେ ବିଷୟରେ ପ୍ରଶ୍ନ ପଚାର।
ଦର୍ଶନାଙ୍କୁ ମୁଦ୍ରାସ୍ଫୀତି ଏବଂ ଦୁର୍ନୀତି ସହ ଜଡିତ ପ୍ରଶ୍ନ ପଚରାଯିବାରୁ ସେ ଏହାକୁ ଏଡାଇବାକୁ ଯାଇ କେବଳ ସରକାରଙ୍କ ସଫଳତାକୁ ଗଣନା କରୁଥିବା ଦେଖାଯାଇଥିଲା। ହୋଲି ପୂର୍ବରୁ ଗ୍ୟାସ ସିଲିଣ୍ଡରର ମୂଲ୍ୟ ୫୦ ଟଙ୍କା ବୃଦ୍ଧି ନେଇ ପଚରାଯିବାରୁ ଏମ୍ପି ଏହାର ଜବାବ ଦେବା ପାଇଁ ଅସହଜ ମନେ ହେଉଥିଲେ। ସେ ଗ୍ୟାସର ବର୍ଦ୍ଧିତ ମୂଲ୍ୟ ଉପରେ କୌଣସି ଉତ୍ତର ଦେଇପାରିଲେ ନାହିଁ ଏବଂ ହସି ହସି ଉତ୍ତର କହିଥିଲେ, ଶସ୍ତା ଜିନିଷ ବିଷୟରେ ପ୍ରଶ୍ନ କର।