ନୂଆଦିଲ୍ଲୀ,୫।୬: ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡା ସୋମବାର ଏକ କାର୍ଯ୍ୟକ୍ରମକୁ ସମ୍ବୋଧିତ କରି କଂଗ୍ରେସ ନେତା ରାହୁଲ ଗାନ୍ଧୀଙ୍କ ଉପରେ ବର୍ଷିଛନ୍ତି। ନଡ୍ଡା କହିଛନ୍ତି, ରାହୁଲ ଗାନ୍ଧୀ କହି ବୁଲୁଛନ୍ତି ଯେ, ଆମେ ପ୍ରେମର ଦୋକାନ ଚଳାଉଛୁ। ହେଲେ ଆପଣ ତ ଘୃଣାର ଏକ ମେଗା ସପିଂ ମଲ ଖୋଲିଛନ୍ତି ବୋଲି ନଡ୍ଡା କହିଛନ୍ତି।
ନଡ୍ଡା ଆହୁରି କହିଛନ୍ତି, ଯେତେବେଳେ ବି ଭାରତ ନୂଆ ରେକର୍ଡ ସୃଷ୍ଟି କରେ, ସେତେବେଳେ କଂଗ୍ରେସର ‘ଯୁବରାଜ’ ରାହୁଲ ଗାନ୍ଧୀ ଭାରତର ଗର୍ବ ଅନୁଭବ କରନ୍ତିନାହିଁ। ଗୋଟିଏ ପଟେ ସେମାନେ ସର୍ଜିକାଲ ଷ୍ଟ୍ରାଇକ ଉପରେ ପ୍ରଶ୍ନ ଉଠାନ୍ତି, ହିନ୍ଦୁ-ମୁସଲିମ ବିଭାଜନ ବିଷୟରେ କଥାବାର୍ତ୍ତା କରନ୍ତି ହେଲେ ଅନ୍ୟ ପଟେ ସେମାନେ କହିଛନ୍ତି ଯେ ଆମେ ପ୍ରେମର ଦୋକାନ ଚଳାଉଛୁ।
ମୋଦି ସରକାରଙ୍କ ୯ ବର୍ଷର କାର୍ଯ୍ୟ ଉପରେ ପୁସ୍ତକ ରିଲିଜ କାର୍ଯ୍ୟକ୍ରମରେ ଜେ.ପି ନଡ୍ଡା ସମ୍ବୋଧନ କରୁଥିଲେ। ଏହି କାର୍ଯ୍ୟକ୍ରମ ଆରମ୍ଭ ହେବା ପୂର୍ବରୁ ଓଡ଼ିଶା ଟ୍ରେନ ଦୁର୍ଘଟଣାରେ ମୃତକଙ୍କ ପାଇଁ ୨ ମିନିଟ୍ ନୀରବ ପ୍ରାର୍ଥନା ସହ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା