ଶିଲଂ,୨୨।୨ : ପରସ୍ପର ବିରୋଧରେ ଦୁର୍ନୀତି ଅଭିଯୋଗ ଆଣି ନିର୍ବାଚନ ସମୟରେ ଭାରତୀୟ ଜନତା ପାର୍ଟି ଏବଂ ନ୍ୟାଶନାଲ ପିପୁଲ୍ସ ପାର୍ଟି (ଏନପିପି) ଦ୍ୱାରା ଖେଳାଯାଇଥିବା ନାଟକକୁ ମେଘାଳୟର ଲୋକମାନେ ଦେଖୁଛନ୍ତି। ତେବେ ଏହାର ଶେଷକଥା(କ୍ଲାଇମାକ୍ସ) ଫେବୃଆରୀ ୨୭ ରେ ରାଜ୍ୟର ସାଧାରଣ ଜନତା ଲେଖିବେ। କଂଗ୍ରେସ ଏମ୍ପି ତଥା ମେଘାଳୟ ସ୍କ୍ରିନିଂ କମିଟିର ସଭାପତି ଗୌରବ ଗୋଗୋଇଙ୍କ ଏଭଳି କହିଛନ୍ତି। ଗଣମାଧ୍ୟମ ସହିତ ସାକ୍ଷାତକାରରେ ସେ ଦୁର୍ନୀତି ପାଇଁ ଭାଜପାକୁ ଦାୟୀ କରିଛନ୍ତି। ଏନପିପି ଭାଜପା ଉପରେ କାଦୁଅ ପିଙ୍ଗୁଛି କିନ୍ତୁ ଏନପିପି ଭୁଲିଯାଉଛି ଯେ ସେ ମଧ୍ୟ ସେହି ସରକାରର ଏକ ଅଂଶ ଥିଲା।
ଜନସାଧାରଣ ସବୁକିଛି ଦେଖୁଛନ୍ତି ଏବଂ ଜନସାଧାରଣ ଏହା ବୁଝୁଛନ୍ତି ଯେ ଏହା କେବଳ ଏକ ନାଟକ। ଗତ ପାଞ୍ଚ ବର୍ଷ ମଧ୍ୟରେ ଜନସାଧାରଣ ଦେଖିଛନ୍ତି ଉଭୟ ଦଳ ମିଳିତ ଭାବରେ କିପରି ନିଜ ପାଇଁ ମେଘାଳୟର ପ୍ରାକୃତିକ ସମ୍ପଦର ଶୋଷଣ କରିଛନ୍ତି।
କଂଗ୍ରେସ ଏକ ନୂତନ ତଥା ଶକ୍ତିଶାଳୀ ପ୍ରାର୍ଥୀଙ୍କ ସହ ନିର୍ବାଚନକୁ ପ୍ରବେଶ କରିଛି। ସେମାନେ ମେଘାଳୟର ଲୋକଙ୍କଠାରୁ ଅନେକ ଭଲପାଇବା ଏବଂ ଆଶୀର୍ବାଦ ପ୍ରାପ୍ତ ଆଶା କରୁଛନ୍ତି। ସରକାର ଗଠନ ହେବା ମାତ୍ରେ କଂଗ୍ରେସ ନିର୍ବାଚନୀ ଇସ୍ତାହାରରେ ଦିଆଯାଇଥିବା ପ୍ରତିଶ୍ରୁତି ପୂରଣ କରିବ।
ଗୋଗୋଇ କହିଛନ୍ତି, ଲୋକମାନେ ବୁଝୁଛନ୍ତି ଯେ ଏଠାରେ ମୁଖ୍ୟମନ୍ତ୍ରୀ କୋନରାଡ ସାଙ୍ଗମା ନିଜେ କୌଣସି ନିଷ୍ପତ୍ତି ନେଇପାରିବେ ନାହିଁ। ପ୍ରତ୍ୟେକ ନିଷ୍ପତ୍ତି ନେବା ପୂର୍ବରୁ ସେମାନଙ୍କୁ ଦିସପୁର ଏବଂ ଦିଲ୍ଲୀ ଆଡକୁ ଦୃଷ୍ଟି ଦେବାକୁ ପଡିବ। ସେ ଜଣେ ଦୁର୍ବଳ ମୁଖ୍ୟମନ୍ତ୍ରୀ ବୋଲି ନିଜକୁ ପ୍ରମାଣିତ କରିଛନ୍ତି। ସେଥିପାଇଁ ଭାଜପା ତାଙ୍କ ବିରୋଧରେ ଦୁର୍ନୀତି ଅଭିଯୋଗ କରୁଛି ଏବଂ ନିଜକୁ ସ୍ବଚ୍ଛ ବୋଲି ଘୋଷଣା କରୁଛି। ସେମାନେ ଭାବନ୍ତି ଯେ ଜନସାଧାରଣ ମୂର୍ଖ। ସେମାନେ ଦେଖନ୍ତି ନାହିଁ ଯେ ସେମାନଙ୍କର ଦୁଇଜଣ ବିଧାୟକ ସରକାରଙ୍କର ଅଂଶ ଥିଲେ।
ରାଜ୍ୟର ଯୁବକମାନେ ବେକାରୀ ସହିତ ଲଢୁଥିବାବେଳେ ଦୁଇ ଦଳ ନିଜ ନିଜ ପକେଟ ଭର୍ତ୍ତି କରିଥିଲେ। ଗତ ପାଞ୍ଚ ବର୍ଷ ମଧ୍ୟରେ ଏକ ମେଡିକାଲ କଲେଜ ଖୋଲିପାରିଲା ନାହିଁ। ଏଠାକାର ପିଲାମାନଙ୍କୁ ଉଚ୍ଚଶିକ୍ଷା ପାଇଁ ବିଦେଶ ଯିବାକୁ ପଡୁଛି। ରାଜ୍ୟରେ ବହୁ ଦୁର୍ନୀତି ହୋଇଛି। କିନ୍ତୁ ପରେ ଏନପିପି ବିରୋଧରେ ଦୁର୍ନୀତି ଅଭିଯୋଗ କରୁଥିବା ଭାଜପା ସେତେବେବେଳେ କୁଆଡେ ଯାଇଥିଲା। ମେଘାଳୟର ଲୋକଙ୍କୁ ମଧ୍ୟ ଭାଜପାକୁ ଉତ୍ତର ଦେବାକୁ ପଡିବ। ସେମାନେ ସେମାନଙ୍କର ଦାୟିତ୍ୱରୁ ଖସି ଯାଇପାରିବେ ନାହିଁ ।