ନୂଆଦିଲ୍ଲୀ,୧୫।୩: ଭାଜପା ସଂସଦୀୟ ଦଳର ବୈଠକ ମଙ୍ଗଳବାର ଶେଷ ହୋଇଛି। ଏହି ବୈଠକରେ ଯୋଗ ଦେବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆମ୍ବେଦକର ଇଣ୍ଟରନ୍ୟାଶନାଲ୍ ସେଣ୍ଟରରେ ପହଞ୍ଚିଥିଲେ। ରାଜନାଥ ସିଂଙ୍କ ସମେତ ଦଳର ବହୁ ବରିଷ୍ଠ ନେତା ତାଙ୍କୁ ସ୍ବାଗତ କରିଥିଲେ। ସ୍ବାଗତ ପରେ ପ୍ରଧାନମନ୍ତ୍ରୀ ଦଳୀୟ ନେତାଙ୍କୁ ସମ୍ବୋଧିତ କରିଛନ୍ତି। ମୋଦି କହିଛନ୍ତି, ଯଦି ଭାଜପା ଏମ୍ପି କିମ୍ବା ମନ୍ତ୍ରୀଙ୍କ ପୁଅ କିମ୍ବା ଝିଅ ଶେଷ ନିର୍ବାଚନରେ ଟିକେଟ୍ ମିଳି ନାହିଁ, ତେବେ ମୁଁ ଏଥିପାଇଁ ଦାୟୀ। ଦଳରେ ବଂଶବାଦ ରାଜନୀତିକୁ ଅନୁମତି ଦିଆଯିବ ନାହିଁ। ଗଣତନ୍ତ୍ର ପାଇଁ ବଂଶବାଦ ରାଜନୀତି ବିପଜ୍ଜନକ ଏବଂ ଆମକୁ ଏହା ବିରୋଧରେ ଲଢେଇ କରିବାକୁ ପଡିବ ବୋଲି ସେ କହିଛନ୍ତି।
ନିକଟରେ ମୁକ୍ତିଲାଭ କରିଥିବା ଚଳଚ୍ଚିତ୍ର ‘କଶ୍ମୀର ଫାଇଲ୍ସ’କୁ ମଧ୍ୟ ପ୍ରଧାନମନ୍ତ୍ରୀ ମୋଦି ପ୍ରଶଂସା କରିଛନ୍ତି ଏବଂ ଏହିପରି ଫଲ୍ମଗୁଡ଼ିକ ଅଧିକ ଥର ନିର୍ମାଣ କରାଯିବା ଉଚିତ ବୋଲି ସେ ପରାମର୍ଶ ଦେଇଛନ୍ତି।
ଏହାସହ ମୋଦି ଏମ୍ପିମାନଙ୍କୁ ନିଜ ନିଜ ନିର୍ବାଚନମଣ୍ଡଳୀରେ ୧୦୦ଟି ବୁଥ ଚିହ୍ନଟ କରିବାକୁ କହିଛନ୍ତି, ଯେଉଁଠାରେ ଭାଜପା ଅପେକ୍ଷାକୃତ କମ ଭୋଟ ପାଇଛି ଏବଂ ଏହା ପଛର କାରଣ ଚିହ୍ନଟ କରିବାକୁ ସେ ନିର୍ଦ୍ଦେଶ ଦେଇଛନ୍ତସି। ଏଥିସହ ଦଳକୁ ସମର୍ଥନ କରିଥିବାରୁ ସେ ଏମ୍ପିମାନଙ୍କୁ ଧନ୍ୟବାଦ ଜଣାଇଛନ୍ତି।