ନୂଆଦିଲ୍ଲୀ,୨୭ ।୧୧: ଦିଲ୍ଲୀ ନଗର ନିଗମ ନିର୍ବାଚନ ପାଇଁ ସମସ୍ତ ରାଜନୈତିକ ଦଳ ଯୋରସୋରରେ ପ୍ରଚାର ଆରମ୍ଭ କରି ଦେଇଛନ୍ତି । ଇତି ମଧ୍ୟରେ ରବିବାର ଭାରତୀୟ ଜନତା ପାର୍ଟି(ଭାଜପା)ର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଦିଲ୍ଲୀର ୱଜିରପୁର େଓøଦ୍ଦୌଗିକ କ୍ଷେତ୍ରରେ ଜନ ସମ୍ପର୍କ ଅଭିଯାନ କରିବା ସମୟରେ ଭାଜପା ପ୍ରାର୍ଥିଙ୍କ ପାଇଁ ଭୋଟ ମାଗିଛନ୍ତି । ଏହି ସମୟରେ ଭାଜପା ଅଧ୍ୟକ୍ଷ ଜେପି ନଡ୍ଡା ଜେଲ ଭିତରେ ଥିବା ଆମ ଆଦମୀ ପାର୍ଟି(ଏଏପି) ନେତା ସତ୍ୟେନ୍ଦ୍ର ଜୈନଙ୍କ ମସାଜ ଭିଡିଓକୁ ନେଇ କହିଛନ୍ତି, ରେପିଷ୍ଟ ଏବେ ଥେରାପିଷ୍ଟ ହୋଇଯାଇଛନ୍ତି । ଏହାସହ ନଡ୍ଡା କହିଛନ୍ତି ତିହାର ଜେଲ ଏବେ ମସାଜ ପାର୍ଲର ପାଲଟି ଗଲାଣି । ତିହାର ଜେଲ ମସାଜ ସେଣ୍ଟର ଖୋଲି ଦେଇଛି ।
କେବଳ ଏତିକି ନୁହେଁ ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଦିଲ୍ଲୀ ସରକାରଙ୍କୁ ଟାର୍ଗେଟ କରି ପାଣି ଓ ସ୍ୱାସ୍ଥ୍ୟ କଥା ବି ଉଠାଇଛନ୍ତି । ସେ କହିଛନ୍ତି ଦେଶ ବିକାଶର ପଥରେ ଆଗେଇ ଚାଲିଛି ହେଲେ ଦିଲ୍ଲୀରେ ଯାହା ହେବା କଥା ଏଥିରୁ ଏହା ବଞ୍ଚିତ ହେଉଛି । ଏଠାକାର ସରକାର ସାଧାରଣ ଜନତାଙ୍କ ବିରୋଧରେ । ନିଜକୁ କଟ୍ଟର ସଚ୍ଚୋଟ କହୁଥିବା ଏଏପି ସରକାର ଅବକାରୀ ଠିକାଦାରୀର ୨ ପ୍ରତିଶତର କମିଶନକୁ ୧୨ ପ୍ରତିଶତରେ ପହଞ୍ଚାଇ ଦେଇଛନ୍ତି ଆଉ ଏଥିରୁ ୬ ପ୍ରତିଶତ ନିଜେ ନେଇଯାଉଛନ୍ତି । ସତ୍ୟେନ୍ଦ୍ର ଜୈନ ୬ ମାସ ହେଲା ଜେଲରେ ଅଛନ୍ତି ଆଉ ନିଜକୁ ସଚ୍ଚୋଟ ବୋଲି କହୁଛନ୍ତି ଆଉ ସେ ଦଙ୍ଗା କରାଉଥିବା ଅଭିଯୋଗରେ ଜେଲ ଯାଇଛନ୍ତି ।
