ବାରିପଦା ଅଫିସ,୨୦ା୩: ଓଡ଼ିଶା ମାଧ୍ୟମିକ ଶିକ୍ଷା ପରିଷଦ ଦ୍ବାରା ପରିଚାଳିତ ମାଟ୍ରିକ ପରୀକ୍ଷା ପ୍ରଶ୍ନପତ୍ର ତ୍ରୁଟି ପ୍ରତିବାଦରେ ବାରିପଦା ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଭାଜପା ଯୁବମୋର୍ଚ୍ଚା ତରଫରୁ ବିକ୍ଷୋଭ ପ୍ରଦର୍ଶନ କରାଯାଇଥିଲା। ପ୍ରତିବର୍ଷ ଭଳି ଏ ବର୍ଷ ମଧ୍ୟ ଓଡ଼ିଶା ମାଧ୍ୟମିକ ଶିକ୍ଷା ପରିଷଦର ବେପରୁଆ ମନୋଭାବ ଯୋଗୁ ଛାତ୍ରୀଛାତ୍ରଙ୍କ ଭବିଷ୍ୟତ ଅନ୍ଧକାର ହେବା ନେଇ ଅଭିଯୋଗ ହୋଇଥିଲା। ଭାଜପା ଯୁବମୋର୍ଚ୍ଚା ମୟୂରଭଞ୍ଜ ତରଫରୁ ଶିକ୍ଷାମନ୍ତ୍ରୀ ସମୀର ଦାସ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିରୋଧରେ କଡ଼ା ସମାଲୋଚନା କରିବା ସହିତ କୁଶ ପୁତ୍ତଳିକା ଦାହ କରାଯାଇଥିଲା।
ଅଭିଯୋଗ ଅନୁଯାୟୀ, ପରୀକ୍ଷା ଆରମ୍ଭରୁ କିଛି ବିଷୟର ପ୍ରଶ୍ନପତ୍ରରେ ତ୍ରୁଟି ସହିତ ସୋସିଆଲ ମିଡ଼ିଆରେ ପରୀକ୍ଷା ପ୍ରଶ୍ନପତ୍ର ପ୍ରଘଟ ହୋଇଥିଲା। ଏହା ଦ୍ୱାରା ମେଧାବୀ ଛାତ୍ରୀଛାତ୍ରଙ୍କ ମନୋବଳକୁ ଭାଙ୍ଗି ଦେବାସହ ସେମାନଙ୍କ ଭବିଷ୍ୟତ ଏକ ପ୍ରକାର ଅନ୍ଧକାରମୟ କରିବାକୁ ଅପଚେଷ୍ଟା କରାଯାଉଛି। ଏଥି ପାଇଁ ଭାଜପା ଯୁବମୋର୍ଚ୍ଚା ପକ୍ଷରୁ ସମ୍ପୂର୍ଣ୍ଣ ଭାବେ ଶିକ୍ଷାମନ୍ତ୍ରୀଙ୍କୁ ଦାୟୀ କରିଛ। କାର୍ଯ୍ୟକ୍ରମରେ ଭାଜପା ଜିଲା ସଭାପତି କାନ୍ଦ୍ରା ସରେନ, ଜିଲା ସାଧାରଣ ସମ୍ପାଦକ ବିଜୟ ଦାସ, ପ୍ରବୀଣ ପାତ୍ର, କବି ବିଷ୍ଣୁ ଶତପଥୀ, ଫାଗୁ ହଁାସଦା, ସୁମନ ସିଂ, ସୁକୁଲ ମୁର୍ମୁ, ଜିଲା ଯୁବ ସଭାପତି ବଲରାମ ସାହୁ, ଜିଲା ସାଧାରଣ ସମ୍ପାଦକ ଦେବବ୍ରତ ସାମଲ, ସମ୍ପାଦକ ସୁରଜ ଲୋହାର, ଉପସଭାପତି ସ୍ରୁଷ୍ଟି ଓତା, ମହିଳା ମୋର୍ଚ୍ଚା ଜିଲା ସାଧାରଣ ସମ୍ପାଦକ ପାୟଲ ରାୟଙ୍କ ସହିତ ମାନସୀ ତ୍ରିପାଠୀ, କାଉନ୍ସିଲର ଭାଗ୍ୟଲକ୍ଷ୍ମୀ ନାୟକ, ରାଜ ଗୁପ୍ତା, ସସ୍ମିତା ପୃଷ୍ଟି, ଚିନ୍ମୟ ପଲେଇ, ଜଗଦୀଶ ବିନ୍ଧାଣୀ, ସୁସ୍ମିତା ବେହେରା, ଦୀପାଳୀ ନାୟକ, ସୁବ୍ରତ ମୁଖୀ, ଦୀପୁ ମୁର୍ମୁ ପ୍ରମୁଖଙ୍କ ସହିତ ବହୁ କାର୍ଯ୍ୟକର୍ତ୍ତା ଉପସ୍ଥିତ ଥିଲେ।