ମୁମ୍ବାଇ,୫।୬ : ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ଶିବସେନା ଏବଂ ଭାଜପା ଆଗାମୀ ନିର୍ବାଚନରେ ମହାରାଷ୍ଟ୍ରରେ ଲଢ଼ିବେ। ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ଏହି ସୂଚନା ଦେଇଛନ୍ତି। ରବିବାର ଶିନ୍ଦେ ଏବଂ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ନୂଆଦିଲ୍ଲୀରେ କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହାଙ୍କୁ ଭେଟିଛନ୍ତି। ଶିନ୍ଦେ ଏହି ବୈଠକର ଚିତ୍ର ନିଜ ସୋସିଆଲ ମିଡିଆ ଆକାଉଣ୍ଟରେ ଶେୟାର କରିଛନ୍ତି।
ଶିନ୍ଦେ ଏକ ଟୁଇଟରେ ଲେଖିଛନ୍ତି ଆମେ ନିଷ୍ପତ୍ତି ନେଇଛୁ ଶିବସେନା ଏବଂ ଭାଜପା ଆସନ୍ତା ନିର୍ବାଚନରେ ମିଳିତ ଭାବେ ପ୍ରତିଦ୍ୱନ୍ଦ୍ୱିତା କରିବେ ଯେଉଁଥିରେ ଲୋକସଭା, ବିଧାନସଭା, ସ୍ଥାନୀୟ ପୌର ପରିଷଦର ନିର୍ବାଚନରେ ସେମାନେ ଏକାଠି ଲଢ଼ିବେ।
ଶିନ୍ଦେ କହିଛନ୍ତି ମହାରାଷ୍ଟ୍ରର ବିକାଶ ପାଇଁ ଶିବସେନା-ଭାଜପା ମିଳିତ ମଞ୍ଚ ଗଠନ କରାଯାଇଛି ଏବଂ ଏହା ଶକ୍ତିଶାଳୀ। ଭବିଷ୍ୟତରେ ଆମେ ମଧ୍ୟ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବୁ ଏବଂ ସଂଖ୍ୟାଗରିଷ୍ଠତା ହାସଲ କରି ଆମକୁ ମହାରାଷ୍ଟ୍ରକୁ ପ୍ରତ୍ୟେକ ଅଞ୍ଚଳରେ ଦେଶର ଏକ ନମ୍ବର ରାଜ୍ୟ କରିବାକୁ ପଡିବ। ଏହା ସହିତ ବିକାଶର ଦୌଡ଼କୁ ବଜାୟ ରଖିବାକୁ ପଡିବ ।
ଅମିତ ଶାହାଙ୍କୁ ଭେଟିବା ପରେ ଶିନ୍ଦ କହିଛନ୍ତି କୃଷି ଏବଂ ସହଯୋଗ ଇତ୍ୟାଦି ଅନେକ ପ୍ରସଙ୍ଗ ଉପରେ ଆଲୋଚନା କରାଯାଇଛି। ରାଜ୍ୟରେ ବିଚାରାଧୀନ କାର୍ଯ୍ୟ ତ୍ୱରାନ୍ବିତ ହେବ ଏବଂ ଶୀଘ୍ର ଶେଷ ହେବ। ବିଭିନ୍ନ ପ୍ରକଳ୍ପ ଉପରେ ଆମେ ସବୁବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କଠାରୁ ପରାମର୍ଶ ନେଉଛୁ। ସହଯୋଗ ପ୍ରସଙ୍ଗରେ ଅମିତ ଶାହାଙ୍କ ସହ ମଧ୍ୟ ଆଲୋଚନା ହୋଇଥିଲା।
