ଭାଜପାରେ ମୋତେ ସାଇଡ୍‌ଲାଇନ କରାଯାଉଛି: ଜୟନାରାୟଣ
10:19 pmNovember 30, 2024November 30, 2024 / 03

ଭୁବନେଶ୍ୱର,୩୦।୧୧: ଭାଜପା ନେତା ସମୀର ଦେ’ଙ୍କ ଶୋକସଭାରେ ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର ଯୋଗଦେଇ ଏକ ବିସ୍ଫୋରକ ବୟାନ ଦେଇଛନ୍ତି। ସେ ଭାଜପାରୁ ସାଇଡ୍‌ଲାଇନ ହୋଇ ରହିଥିବା କହିଛନ୍ତି।

ଏବିଭିପିରୁ ତଡ଼ା ଖାଇଥିଲି, ଭାଜପାରୁ ମଧ୍ୟ ତଡ଼ା ଖାଉଛି। ସମୀର ଦେଙ୍କ ଜୀବନରେ ଯାହା ଘଟିଥିଲା, ଏବେ ମୋ’ ସହ ଘଟୁଛି। ସମୀରଙ୍କୁ ଦଳ ଯେତିକି ଗୁରୁତ୍ୱ ଦେବା କଥା ଦେଇନାହିଁ। ତାଙ୍କ ବିରୋଧରେ ବାରମ୍ବାର ଲୋକ ଲଗାଯାଇଛି। ମୋ ବିରୋଧରେ ଆଜି ମଧ୍ୟ ଲୋକ ଲଗାଯାଇଛି ବୋଲି ଜୟନାରାୟଣ କହିଛନ୍ତି। ଅନ୍ୟପକ୍ଷରେ ଜୟନାରାୟଣଙ୍କ ମନ୍ତବ୍ୟକୁ ନେଇ ଭାଜପା ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ।