ନୂଆଦିଲ୍ଲୀ, ୧୪।୦୮: ଆମେରିକାର ସର୍ଟ ସେଲିଂ ସଂସ୍ଥା ହିଡେନ୍ବର୍ଗର ରିପୋର୍ଟକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାରଙ୍କୁ ବିପକ୍ଷ ଦଳ ଘେରିଛି । ମଙ୍ଗଳବାର ରାହୁଲ ଗାନ୍ଧି ଏନେଇ କହିଥିଲେ ଯେ ଏହା ଏକ ଗମ୍ଭୀର ମାମଲା । ଏବେ ସେ ଏ ବିଷୟରେ କିଛି କହିବେ ନାହିଁ । ଏହି ମୁଦ୍ଦାକୁ ନେଇ ସେ ସାମ଼୍ବିଦିକ ସମ୍ମିଳନୀ କରିବେ । ଶନିବାର ରିପୋର୍ଟ ପ୍ରକାଶ ପାଇବା ପର ଠାରୁ ସେ ସରକାରଙ୍କୁ ଟାର୍ଗେଟ୍ ଜାରି ରଖିଛନ୍ତି । ଏକ ଭିଡିଓ ଜାରିକରି ସେ ନିବେଶକଙ୍କୁ କହିଛନ୍ତି ଯେ ସେୟାର ବଜାର ଉପରେ ନଜର ରଖିବା ପାଇଁ ସେବି ରହିଛି । ହେଲେ ସେବି ମଧ୍ୟ ସେମାନଙ୍କ ସହିତ ମିଶିଯାଇଛି । ଆଜି ସେବି ପ୍ରଶ୍ନ ଘେରକୁ ଆସିଛି ବୋଲି ସେ ଏହି ଭିଡିଓରେ କହିଛନ୍ତି।
ତେବେ ଏହାରି ମଧ୍ୟରେ ସେୟାର ବଜାରରେ ନିବେଶ ନେଇ ମଧ୍ୟ ରାହୁଲ ଗାନ୍ଧିଙ୍କ ଉପରେ ପ୍ରଶ୍ନ ଉଠିଛି । ଏକ ରିପୋର୍ଟ ମୁତାବିକ ରାହୁଲ ଗତ ୫ ମାସ ମଧ୍ୟରେ ୪୬ ଲକ୍ଷ ଟଙ୍କା ରୋଜଗାର କରିଛନ୍ତି । ମାସିକ ପାଖାପାଖି ୧୦ ଲକ୍ଷ ଟଙ୍କା ସେ ସେୟାର ବଜାରରୁ ରୋଜଗାର କରୁଛନ୍ତି। ଅନ୍ୟପଟେ ଏହି ପ୍ରଶ୍ନକୁ ନେଇ କଂଗ୍ରେସ ନେତା ରାଜୀବ ଶୁକ୍ଲା କହିଛନ୍ତି ଯେ, ଭାଜପା କୌଣସି କଥାକୁ ବି ନେଇ ଅଭିଯୋଗ ଆଣୁଛି । ଷ୍ଟକ୍ରେ ଟଙ୍କା ନିବେଶ କରିବା ଅଲଗା କଥା ଆଉ ହିଡେନ୍ବର୍ଗର ମାମଲା ଅଲଗା କଥା।