ଜମ୍ମୁ-କଶ୍ମୀର ନିର୍ବାଚନ: ତାଲିକା ପ୍ରକାଶ କରି କିଛି ସମୟ ପରେ ପ୍ରତ୍ୟାହାର କରିନେଲା ଭାଜପା

ଶ୍ରୀନଗର,୨୬ା୮: ୧୦ ବର୍ଷ ପରେ ପ୍ରଥମଥର ପାଇଁ ଜମ୍ମୁ-କଶ୍ମୀରରେ ବିଧାନସଭା ନିର୍ବାଚନ ହେବାକୁ ଯାଉଛି। ସୋମବାର (୨୬ଅଗଷ୍ଟ) ସକାଳେ ଭାଜପା ମଧ୍ୟ ପ୍ରଥମ ତାଲିକା ପ୍ରକାଶ କରିଥିଲା, କିନ୍ତୁ କିଛି ସମୟ ପରେ ଏହାକୁ ପ୍ରତ୍ୟାହାର କରି ନେଇଛି।

ଏହି ତାଲିକାରେ ୪୪ ଜଣ ପ୍ରାର୍ଥୀଙ୍କୁ ବିଭିନ୍ନ ଆସନରୁ ଟିକେଟ ଦିଆଯାଇଥିଲା। ତେବେ ଭାଜପାର ପ୍ରଥମ ତାଲିକା ପ୍ରକାଶ ହେବାର ମାତ୍ର ୨ ଘଣ୍ଟା ମଧ୍ୟରେ ଏହାକୁ ପ୍ରତ୍ୟାହାର କରି ନିଆଯାଇଛି। ଦଳ ବର୍ତ୍ତମାନ ଏହି ତାଲିକାରେ ଉନ୍ନତି ଏବଂ ପରିବର୍ତ୍ତନ ଆଣିବାକୁ ଯାଉଛି, ଏହା ପରେ ପ୍ରାର୍ଥୀଙ୍କ ଏକ ନୂତନ ତାଲିକା ସାର୍ବଜନୀନ କରାଯିବ।