ହାଇଦ୍ରାବାଦ,୧।୧୧: କଂଗ୍ରେସର ଭାରତ ଯୋଡୋ ଯାତ୍ରୀ ବର୍ତ୍ତମାନ ତେଲେଙ୍ଗାନାରେ ପହଞ୍ଚିଛି। ମଙ୍ଗଳବାର ହାଇଦ୍ରାବାଦରେ ରାହୁଲ ଗାନ୍ଧୀ ଏହି ଗସ୍ତ ସମୟରେ ଏକ ସାଧାରଣ ସଭାରେ ସମ୍ବୋଧିତ କରିଛନ୍ତି। ଭାଜପାକୁ ଟାର୍ଗେଟ କରି ରାହୁଲ ଗାନ୍ଧୀ କହିଛନ୍ତି, ଆମର ଯାତ୍ରା ଘୃଣା ଏବଂ ହିଂସା ବିରୁଦ୍ଧରେ ଜାରି ରହିଛି। ଭାଜପା-ଆରଏସଏସ ଘୃଣା ବ୍ୟାପିବା ପାଇଁ କାର୍ଯ୍ୟ କରୁଛନ୍ତି। ସେମାନେ ଭାଇ-ଭାଇଙ୍କ ସହ ଲଢ଼ାଇବା ପାଇଁ କାର୍ଯ୍ୟ କରୁଛନ୍ତି। ଏହା ଦେଶକୁ ଦୁର୍ବଳ କରେ ଶକ୍ତିଶାଳୀ ନୁହେଁ। ଏହି ଯାତ୍ରାକୁ କଯୌଣସି ଶକ୍ତି ବନ୍ଦ କରିପାରିବ ନାହିଁ। ଏହି ଯାତ୍ରା ହେଉଛି ଭାରତର ପ୍ରକୃତ ସ୍ବର।
ରାହୁଲ ଗାନ୍ଧୀ ଆହୁରି କହିଛନ୍ତି, ମୁଁ ଭାବିଲି ଦେଶରେ ପ୍ରଦୂଷଣରେ ଦିଲ୍ଲୀ ଏକ ନମ୍ବର, କିନ୍ତୁ ଦିଲ୍ଲୀ ଅପେକ୍ଷା ହାଇଦ୍ରାବାଦରେ ପ୍ରଦୂଷଣ ଅଧିକ। ଟିଆରଏସ ଲୋକସଭା ଏବଂ ରାଜ୍ୟସଭାରେ ବିଲ ପାସ କରିବାରେ ଭାଜପାକୁ ସାହାଯ୍ୟ କରେ।
ଭାଜପା ଏବଂ ଟିଆରଏସ ଉପରେ ଆକ୍ରମଣ କରି ରାହୁଲ କହିଛନ୍ତି,ଦୁହେଁ ଏକାଠି କାମ କରନ୍ତି। ସେମାନେ କେବଳ ନିର୍ବାଚନ ପୂର୍ବରୁ ଡ୍ରାମା କରନ୍ତି। ପ୍ରଧାନମନ୍ତ୍ରୀ ନରେନଦ୍ର ମୋଦି ଏବଂ ତେଲେଙ୍ଗାନା ମୁଖ୍ୟମନ୍ତ୍ରୀ କେ.ଚନ୍ଦ୍ରଶେଖର ରାଓ(କେସିଆର) ଫୋନରେ କଥା ହୁଅନ୍ତି। ପ୍ରଧାନମନ୍ତ୍ରୀଙ୍କ ନିର୍ଦ୍ଦେଶରେ ତେଲେଙ୍ଗାନାର ମୁଖ୍ୟମନ୍ତ୍ରୀ କାମ କରୁଛନ୍ତି।