![](https://www.dharitri.com/wp-content/uploads/2020/07/Gehalot.jpg)
ଜୟପୁର,୧୧।୭: ରାଜସ୍ଥାନରେ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ସରକାର ଭାଙ୍ଗିବାକୁ ଭାରତୀୟ ଜନତା ପାର୍ଟି(ଭାଜପା)ନେତା ଚେଷ୍ଟା କରୁଥିବା କୁହାଯାଉଛି। ବିଳମ୍ବିତ ରାତିରେ ପୋଲିସ ୨ ଭାଜପା ନେତାଙ୍କୁ ପଚରା ଉଚରା ପାଇଁ ନେଇଥିବା ଜଣାପଡିଛି। ଏହାସହ ଶନିବାର ଗେହଲଟ କହିଛନ୍ତି, ଭାଜପା ରାଜସ୍ଥାନରେ ସରକାର ଭାଙ୍ଗିବାକୁ ଚେଷ୍ଟା କରୁଥିବା ବେଳେ ବିଧାୟକମାନନଙ୍କୁ ପାଖାପାଖି ୨୫ କୋଟି ଟଙ୍କା ଦେଇ କିଣୁଛି। ଏକ ଭର୍ଚୁଆଲ ପ୍ରେସ୍ କନଫରେନ୍ସରେ ଗେହଲଟ କହିଛନ୍ତି ସତିଶ ପୁନିଆ ଓ ରାଜେନ୍ଦ୍ର ରାଥୋଡ ସରକାର ଭାଙ୍ଗିବାକୁ ନେଇ ଖେଳ ଖେଳୁଥିବା ବେଳେ ଏମାନେ ବିଧାୟକଙ୍କୁ ୧୦ କୋଟି ଟଙ୍କା ଆଡଭାନ୍ସ ଆକାରରେ ଦେଉଛନ୍ତି ଓ ଅବଶିଷ୍ଟ ୧୫ କୋଟି ଟଙ୍କା ସରକାର ଭାଙ୍ଗିବା ପରେ ଦିଆଯିବ ବୋଲି କୁହାଯାଉଛି। ଦେଶରେ ଏବେ କରୋନା ମହାମାରୀ ସମସ୍ତଙ୍କ ଚିନ୍ତା ବଢାଇଥିବା ବେଳେ ଏବେ କିନ୍ତୁ ଭାଜପା ଦେଶ କଥା ନ ଚିନ୍ତା କରି ଏଭଳି ରାଜନୀତି କରି ରାଜ୍ୟରେ ସରକାର ଭାଙ୍ଗିବା ହାସ୍ୟାସ୍ପଦ କଥା।