ପାଟନା,୧୧।୧୧: ବିହାର ବିଧାନସଭା ନିର୍ବାଚନରେ ଏନ୍ଡ଼ିଏ ମେଣ୍ଟରେ ଭାଜପାର ପ୍ରଦର୍ଶନ ଭଲ ରହିଛି। ଭାଜପା ୭୪ ଆସନରେ ବିଜୟୀ ହୋଇଥିବାବେଳେ ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ଜେଡ଼ିୟୁକୁ ୪୩ ଆସନ ମିଳିଛି। ତେବେ ଆସନ ଜିତିବା ହାରିବାର ପ୍ରଭାବ ମେଣ୍ଟ ଉପରେ ପଡ଼ିବ ନାହିଁ ବୋଲି ଉପମୁଖ୍ୟମନ୍ତ୍ରୀ ସୁଶୀଲ କୁମାର ମୋଦି ବୁଧବାର କହିଛନ୍ତି। ଆମେ ମିଳିମିଶି ସରକାର ଗଠନ କରିଛୁ। ଭାଜପା ନିର୍ବାଚନ ପୂର୍ବରୁ ନୀତିଶଙ୍କୁ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ଘୋଷଣା କରିଥିଲା। ଏବେ ଭାଜପା ଦେଇଥିବା ପ୍ରତିଶ୍ରୁତି ରକ୍ଷା କରିବ। ରାଜ୍ୟର ପରବର୍ତ୍ତୀ ମୁଖ୍ୟମନ୍ତ୍ରୀ ଭାବେ ନୀତିଶ ହିଁ ଶପଥ ନେବେ। ରାଜ୍ୟ ସରକାରରେ ଆମେ ଅଂଶୀଦାର ଭାବେ ରହିଛୁ। ଏହା ଜାରି ରହିବ ବୋଲି ସୁଶୀଲ କହିଛନ୍ତି।
