ଲକ୍ଷ୍ନୌ,୨୩।୧ : ୨୦୨୪ ଲୋକ ସଭା ନିର୍ବାଚନରେ ଉତ୍ତରପ୍ରଦେଶର ସମସ୍ତ ୮୦ ଆସନରେ ଭାଜପା ନିଶ୍ଚୟ ପରାଜୟର ସ୍ବାଦ ଚାଖିବ ବୋଲି ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ ରବିବାର କହିଛନ୍ତି। ଉତ୍ତରପ୍ରଦେଶକୁ ଆଗାମୀ ୫୦ ବର୍ଷ ଯାଏ ଭାଜପା ଶାସନ କରିବ ବୋଲି ଏହାର ନେତା ଦାବି କରିଥିଲେ। ଏବେ ସେମାନଙ୍କର ଦିନ ଗଣିବା ସମୟ ଆସିଯାଇଛି।
ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଉତ୍ତରପ୍ରଦେଶର ଦୁଇଟି ମେଡିକାଲ କଲେଜକୁ ଆସିଲେ, ତାଙ୍କ ଦଳ କେତେ ଆସନରେ ଜିତିବ ତାହା ସେ ବୁଝିପାରିବେ ବୋଲି ଅଖିଳେଶ କହିଛନ୍ତି। ହାଜତରେ ମୃତ୍ୟୁ ଘଟିଥିବା ଲୋକଙ୍କ ପରିବାରକୁ ୧ କୋଟି ଟଙ୍କା ଲେଖାଏ ସହାୟତା ଏବଂ ପରିବାରରୁ ଜଣକୁ ଚାକିରି ଦେବା ଲାଗି ଲକ୍ଷ୍ନୌରେ ଚାଲିଥିବା ଭାଜପା ରାଜ୍ୟ କାର୍ଯ୍ୟକାରିଣୀରେ ପ୍ରସ୍ତାବ ଗୃହୀତ କରାଇବାକୁ ଅଖିଳେଶ ଦାବି କରିଛନ୍ତି।