ମୁମ୍ବାଇ,୧୮।୧୦: ମୁମ୍ବାଇରେ ଅନୁଷ୍ଠିତ ଅନ୍ଧେରୀ ଇଷ୍ଟ ବିଧାନସଭା ଉପ-ନିର୍ବାଚନରେ ଭାଜପା ପକ୍ଷର ୁପ୍ରାର୍ଥୀ ପ୍ରତ୍ୟାହାର କରିବା ଘୋଷଣା ପରେ ରାଜନୀତି ତୀବ୍ର ହୋଇଛି। ଭାଜପାର ଏହି ନିଷ୍ପତ୍ତିକୁ ଏବେ ଉଦ୍ଧବ ଠାକରେ ଦଳ ଟାର୍ଗେଟ କରିଛନ୍ତି। ଏହି ନିର୍ବାଚନରେ ଭାଜପା ଖରାପ ପ୍ରଦର୍ଶନ କରି ହାରି ଯିବାର ଆଶଙ୍କା ଥିବାରୁ ଏଭଳି କରାଯାଇଛି ବୋଲି ଉଦ୍ଧବଙ୍କ ଦଳ କହିଛି ତେଣୁ ପ୍ରାର୍ଥୀ ପ୍ରତ୍ୟାହାର କରି ନିଆଯାଇଛି।
ଉଦ୍ଧବ ଦଳ କହିଛି ଯେ ଭାଜବା ପ୍ରାର୍ଥୀଙ୍କ ନାମ ପ୍ରତ୍ୟାହାର କରିବା ଯେତିକି ସହଜ ନଥିଲା। ପରାଜୟ ଆଶଙ୍କାକୁ ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ଏବଂ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ସରକାର ହୃଦୟଙ୍ଗମ କରି ଶେଷରେ ଏହି ନିଷ୍ପତ୍ତି ଗ୍ରହଣ କରିଛନ୍ତି।
ଶିବଦେନା ମୁଖପତ୍ର ସାମନାରେ ଦାବି କରାଯାଇଛି ଯେ ପଟେଲଙ୍କ ନାମାଙ୍କନ ପତ୍ରରେ କିଛି ଅସଙ୍ଗତି ଥିବାରୁ ତାଙ୍କ ନାମାଙ୍କନ ପ୍ରତ୍ୟାଖ୍ୟାନ ହେବାର ଆଶଙ୍କା ଥିବାରୁ ଏହା ଜାଣିଶୁଣି କରାଯାଇଛି। ଭାଜପା ବିପଦ ପୂର୍ବରୁ ୟୁ- ଟର୍ନ ନେଇଛି।
ଏହା ବ୍ୟତୀତ ଉଦ୍ଧବଙ୍କ ଦଳ ଶିନ୍ଦେ ସରକାରଙ୍କୁ ଦୋଷାରୋପ କରି କହିଛି ଯେ ଆମର ପ୍ରାର୍ଥୀ ଋତୁଜା ଲଟକେ ପୂର୍ବରୁ ବ୍ରିହାନମ୍ବାଇ ମ୍ୟୁନିସିପାଲ କର୍ପୋରେଶନର ଜଣେ କର୍ମଚାରୀ ଥିଲେ କିନ୍ତୁ ସ୍ବାମୀ ରମେଶ ଲଟକେଙ୍କ ମୃତ୍ୟୁ ପରେ ସେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଚାହୁଁଥିଲେ। ଏଥିପାଇଁ ସେ ତାଙ୍କ ଇସ୍ତଫା ପଠାଇଥିଲେ କିନ୍ତୁ ସରକାର ଏହାକୁ ଗ୍ରହଣ କରିବାରେ ଜାଣିଶୁଣି ବିଳମ୍ବ କରିଥିଲେ।
ଦଳର ପ୍ରାର୍ଥୀ ପ୍ରତ୍ୟାହାର କରିବା ନେଇ ଭାଜପା ରାଜ୍ୟ ସଭାପତି ଚନ୍ଦ୍ରଶେଖର ବାୱନକୁଲେ କହିଛନ୍ତି ଯେ ଏହି ନିଷ୍ପତ୍ତି ମହାରାଷ୍ଟ୍ରର ରାଜନୈତିକ ପରମ୍ପରା ଅନୁଯାୟୀ ସ୍ବର୍ଗତ ବିଧାୟକ କିମ୍ବା ଏମ୍ପିଙ୍କ ସମ୍ପର୍କୀୟଙ୍କ ବିରୋଧରେ କୌଣସି ପ୍ରାର୍ଥୀ ନ ଦିଆଯିବା ଅନୁସାରେ କରାଯାଇଛି। ସେ ଏହା ମଧ୍ୟ ଦାବି କରିଛନ୍ତି ଯଦି ଦଳ ପ୍ରାର୍ଥୀ ପ୍ରତ୍ୟାହାର କରି ନ ଥାନ୍ତା ତେବେ ପଟେଲ ଜିତିଥାନ୍ତେ।
