ସାଧାରଣତଃ ସେଓ ପ୍ରାୟ ସମସ୍ତେ ଦେଖିଥିବେ। ମାତ୍ର ବ୍ଲାକ୍ ଡାଏମଣ୍ଡ ଆପଲ ବା କଳା ହୀରା ସେଓ ହୁଏତ କମ୍ ଲୋକ ଦେଖିଥିବେ। ଆପଣ ଭାବୁଥିବେ ଏହି ସେଓରେ କେହି ବୋଧେ ରଙ୍ଗ ବୋଳି ଦେଇଛି। କିନ୍ତୁ ନା ପ୍ରାକୃତିକ ରୂପରେ ହିଁ ଏହା କଳା। ଏପରି ସେଓ ତିବ୍ବତ ଏବଂ ଭୂଟାନରେ ଦେଖିବାକୁ ମିଳିଥାଏ। ଏହାକୁ ‘ହୁଆ ନିଉ’ ପ୍ରଜାତିର କୁହାଯାଏ। ଯାହାକି ଏକ ସ୍ବତନ୍ତ୍ର କାରଣ ପାଇଁ କଳା ହୋଇଥାଏ।
ଏହି ସେଓ ତିବ୍ବତର ନିଙ୍ଗାଚି ଅଞ୍ଚଳରେ ପ୍ରଚୁର ପରିମାଣରେ ଫଳିଥାଏ। ଦିନରେ ସୂର୍ଯ୍ୟକିରଣ ଏହା ଉପରେପଡ଼ିବାରୁ ଅଲଟ୍ରାଭାଓଲେଟ୍ କିରଣ ସେଓ ଉପରେ ଅଧିକ ପଡ଼ିଥାଏ ଏବଂ ରାତିରେ ତାପମାତ୍ରା କମିଥାଏ। ତାପମାତ୍ରା ବଦଳୁଥିବାରୁ ସେଓ ଉପରେ ଏହାର ପ୍ରଭାବ ପଡ଼ିଥାଏ। ତେଣୁ ଏହା କଳାରଙ୍ଗ ହୋଇଥାଏ।
ସବୁଠୁ ଆଶ୍ଚର୍ଯ୍ୟର କଥା ସେଓ କଳା ହେଲେ ମଧ୍ୟ ଏହାର ଭିତର ଅଂଶ ଅନ୍ୟ ସେଓ ପରି ହୋଇଥାଏ। ଏହି ସେଓ ୫ରୁ ୮ ବର୍ଷ ମଧ୍ୟରେ ଫଳ ଆସିଥାଏ। ଯାହା କେବଳ ୨ ମାସ ପର୍ଯ୍ୟନ୍ତ ରହିଥାଏ। ଏହି ସେଓର ଦାମ୍ ଅନ୍ୟ ସେଓ ତୁଳନାରେ ଢେର ଅଧିକ। ଏପରିକି ଗୋଟିଏ ସେଓର ଦାମ୍ ୫୦୦ରୁ ୧୬୦୦ ପର୍ଯ୍ୟନ୍ତ ବିକ୍ରି ହୋଇଥାଏ। ଲାଲ୍ ସେଓଠାରୁ ଏହା ଅଧିକ ଉପକାରୀ। ଏଥିରେ ପୋଷକତତ୍ତ୍ୱ ଅଧିକ ପରିମାଣର ଥାଏ। ଯାହାକି ଶରୀର ପାଇଁ ବେଶ୍ ଲାଭଦାୟକ।