ଦୁନିଆରେ ଏପରି ସ୍ଥାନ ରହିଛି ଯେଉଁଠାରେ କଳା ସେଓ ଚାଷ କରାଯାଇଥାଏ। ଏଠାରେ ଗୋଟିଏ ସେଓର ମୂଲ୍ୟ ପ୍ରାୟ ୫୦୦ ଟଙ୍କା ହୋଇଥାଏ। ମହଙ୍ଗା ବୋଲି ଏହି ସେଓକୁ ‘ବ୍ଲାକ୍ ଡାଏମଣ୍ଡ’ ବୋଲି କୁହାଯାଏ। ତିବ୍ବତର ପାହାଡ ଉପରେ ଏହି ସେଓର ଚାଷ କରାଯାଏ।
ତିବ୍ବତର ସ୍ଥାନୀୟ ଭାଷାରେ ଏହି ସେଓକୁ ‘ନିୟୁ’ ବୋଲି କୁହାଯାଏ। ପାହାଡ ଉପରେ ଥିବା ଯୋଗୁ ସୂର୍ଯ୍ୟଙ୍କ କିରଣ ଫଳ ଏବଂ ଫସଲ ଉପରେ ପଡ଼ିଥାଏ। ଏଥିଯୋଗୁ ସେଓର ରଙ୍ଗ କଳା ହୋଇଥାଏ। ହେଲେ ଦେଖିବାକୁ ଭିନ୍ନ ଏବଂ ସୁନ୍ଦର ହୋଇଥିବା ଯୋଗୁ ଲୋକମାନଙ୍କ ଦୃଷ୍ଟି ଆକର୍ଷଣ କରିଥାଏ। ଏହି ସେଓର ରଙ୍ଗ ବାଇଗଣୀ ବି ହୋଇଯାଏ।
ବୈଜ୍ଞାନିକଙ୍କ ମୁତାବକ, ଏହି ସେଓର ଗଛରେ ଫଳ ହେବା ପାଇଁ ୮ ବର୍ଷ ସମୟ ଲାଗେ। ସାଧାରଣ ସେଓ ତୁଳନାରେ ଏହାର ଉତ୍ପାଦନ ମଧ୍ୟ କମ୍ ହୋଇଥାଏ। ଏପରିକି ଏହି ସେଓର ସମୟସୀମା ମାତ୍ର ୨ ମାସର ରହିଥାଏ। ୨୦୧୫ରେ ତିବ୍ବତରରେ ଏହାର ଚାଷ ଆରମ୍ଭ ହୋଇଥିଲା। କୁହାଯାଏ ଯେ ଏହି ସେଓ ବହୁତ ମିଠା ଏବଂ ସ୍ବାଦିଷ୍ଟ ହୋଇଥାଏ। ହେଲେ ସ୍ବାସ୍ଥ୍ୟ ପାଇଁ ଲାଲ ସେଓ ଭଳି ଲାଭଦାୟକ ହୋଇଥାଏ।
