ପାଟଣା,୩।୮(ସ୍ବ.ପ୍ର.): କେନ୍ଦୁଝର ଜିଲା ପାଟଣାରେ କଳା ପଲସରର ଆତଙ୍କ ଦେଖାଦେଇଛି। ପାଟଣାମୁଖ୍ୟାଳୟ ତହସିଲ ସାମ୍ନାରୁ ମଙ୍ଗଳବାର କଳା ପଲସରରେ ୨ ଦୁର୍ବୃତ୍ତ ଆସି ବାଇକ ଡିକି ଭାଙ୍ଗି ୪ ଲକ୍ଷ ଟଙ୍କା ଲୁଟିନେଇଛନ୍ତ। ସୂଚନା ଅନୁଯାୟୀ, ପାଟଣା ବ୍ଲକ ବଡ଼ପାଟଣା ପଞ୍ଚାୟତ ପୁଟୁଳିଆ ଗ୍ରାମର ଭକ୍ତବନ୍ଧୁ ମହାନ୍ତ ବ୍ୟାଙ୍କ ଅଫ ଇଣ୍ଡିଆରୁ ୪ ଲକ୍ଷ ଟଙ୍କା ଉଠାଇ ତହସିଲ ସମ୍ମୁଖରେ ଗାଡି ରଖିଥିଲେ। ପରେ ସେ ଜଣେ ଓକିଲଙ୍କ ପାଖରେ ଥିବାବେଳେ ଦୁଇ ଜଣ ଦୁର୍ବୁର୍ତ୍ତ ପୁଟୁଳିଆ ପଟୁ କଳା ରଙ୍ଗର ପଲସରରେ ଆସି ଆଖିପିଛୁଳାକେ ଡିକି ଭାଙ୍ଗି ୪ ଲକ୍ଷ ଟଙ୍କା ଲୁଟିନେଇଛନ୍ତି। ସେମାନଙ୍କୁ ଧରିବା ପାଇଁ ପାଟଣା ପୋଲିସ ବିଭିନ୍ନ ଜାଗାରେ ଛାନଭିନ ଜାରି ରଖିଛି। ଉକ୍ତ ୪ ଲକ୍ଷ ଟଙ୍କା ଜଣେ ଧାନ ମାଲିକଙ୍କର ଓ ସେ ମାଲିକଙ୍କ କର୍ମଚାରୀ ବୋଲି ଭକ୍ତବନ୍ଧୁ କହିଛନ୍ତି।