ପାଣି ପରେ ସବୁଠାରୁ ଅଧିକ ପିଆଯାଉଥିବା ପାନୀୟ ହେଉଛି ଚା’। ପୃଥିବୀରେ ୩୦୦୦ ପ୍ରକାରର ଚା’ ଉପଲବ୍ଧ ଅଛି। ତେବେ କୁହାଯାଏ ଚା’ର ଆବିଷ୍କାର ଚାଇନାର ରାଜା ଶେନ ନଙ୍ଗ ଖୀ.ପୂ. ୨୩୭ରେ କରିଥିଲେ। ଥରେ ହଠାତ ଚା’ର କିଛି ପତ୍ର ରାଜାଙ୍କ ଗରମ ପାଣିରେ ପଡିଯାଇଥିଲା। ସେ ଯେତେବେଳେ ସେହି ଚା’ପତ୍ର ମିଶ୍ରିତ ଜଳ ପିଇଲେ ତାଙ୍କୁ ବହୁତ ଭଲ ଲାଗିଥିଲା। ସମ୍ଭବତଃ ଏହା ଥିଲା ପ୍ରଥମ ଚା’ ପିଆ। ପରେ ଧୀରେ ଧୀରେ ଏହାର ଲୋକପ୍ରିୟତା ବଢିଲା। ଆଉ ସାରା ପୃଥିବୀରେ ଏକ ପ୍ରିୟ ପାନୀୟଭାବେ ପରିଚିତ ହେଲା। ଏବେ ପ୍ରାୟ ସମସ୍ତେ ଚା’ ପିଉଛନ୍ତି। ତେଣୁ ଏହା ସ୍ବାସ୍ଥ୍ୟପକ୍ଷେ ଏହା କେତେ ଭଲ କେତେ ଖରାପ ତାକୁ ନେଇ ଅନେକ ଗବେଷଣା ବି ହୋଇଛି। ଆମେରିକୀୟ ନ୍ୟାଶନାଲ କ୍ୟାନ୍ସର ଇଷ୍ଟିଚ୍ୟୁଟ୍ର ବୈଜ୍ଞାନିକମାନେ ୧୪ ବର୍ଷ ଧରି ୫ ଲକ୍ଷ ଲୋକଙ୍କ ଉପରେ କରିଥିବା ଏକ ଗବେଷଣା କହେ ଚା’ ପିଉ ନ ଥିବା ଲୋକଙ୍କଠାରୁ ଯେଉଁମାନେ ଚା’ ପିଅନ୍ତି ତାଙ୍କର ବଞ୍ଚତ୍ବା ସମ୍ଭାବନା ଟିକେ ଅଧିକ। ହେଲେ ଭାରତୀୟଙ୍କ ପ୍ରିୟ କ୍ଷୀର ଚା’ରେ ଆୟୁଷ ବଢି ନଥାଏ ବରଂ ଆୟୁଷ ବଢିଥାଏ ବ୍ଲାକ୍ ଟି’ ପିଇଲେ। ଚାଇନା, ଜାପାନ ଯେଉଁଠି ଗ୍ରୀନ ଟି’ ଅଧିକ ପିଆଯାଏ, ସେଠାରେ ବି ଚା’କୁ ନେଇ ପୂର୍ବରୁ ଗବେଷଣା ହୋଇଛି। ସେ ଗବେଷଣା କହେ ବି ଚା’ରେ ସ୍ବାସ୍ଥ୍ୟବର୍ଦ୍ଧକ ଗୁଣ ରହିଛି।