କାଠମାଣ୍ଡୁ,୧୬।୧ : ରବିବାର ଦିନ ନେପାଳର ପୋଖରାରେ ବିମାନ ଦୁର୍ଘଟଣା ଗ୍ରସ୍ତ ହେବା ପରେ ୭୨ ଜଣ ଯାତ୍ରୀଙ୍କ ମଧ୍ୟରୁ ୬୮ ଜଣଙ୍କ ମୃତଦେହ ଉଦ୍ଧାର କରାଯାଇଛି। କିନ୍ତୁ ତଥାପି ଚାରି ଜଣଙ୍କ ମୃତଦେହ ଉଦ୍ଧାର କରାଯାଇ ପାରିନାହିଁ। ସେମାନଙ୍କର ସନ୍ଧାନ ସୋମବାର ପୁଣି ଆରମ୍ଭ ହୋଇଛି। ଏକ ବିବୃତ୍ତି ଜାରି କରିବାବେଳେ ସେନା କହିଛି ଯେ ଏପର୍ଯ୍ୟନ୍ତ କାହାକୁ ଆମେ ଜୀବନ୍ତ ପାେଇ ନାହୁଁ।
ବିମାନବନ୍ଦର ଅଧିକାରୀ ଶେର୍ ବାଥ ଠାକୁର ବଡ଼ ସୂଚନା ଦେଇଛନ୍ତି। ସେ କହିଛନ୍ତି ଯେ ଦୁର୍ଘଟଣାଗ୍ରସ୍ତ ବିମାନର ବ୍ଲାକବକ୍ସ ମିଳିଛି। ଏଥିରୁ ଦୁର୍ଘଟଣାର କାରଣ ଜାଣିପଡ଼ିବ। ଅନ୍ୟପକ୍ଷରେ ସୋମବର ବିମାନ ଦୁର୍ଘଟଣା ନେଇ ନେପାଳରେ ଜାତୀୟ ଶୋକ ଦିବସ ଘୋଷଣା କରାଯାଇଛି।
ଗନ୍ତବ୍ୟ ସ୍ଥଳରେ ପହଞ୍ଚିବାର କିଛି ସେକେଣ୍ଡ ପୂର୍ବରୁ ଏହି ଦୁର୍ଘଟଣା ଘଟିଥିଲା। ୟେତି ଏୟାରଲାଇନ୍ସର ୯-ଏନ-ଏଏନସି ଏଟିଆର-୭୨ ବିମାନ କାଠମାଣ୍ଡୁର ତ୍ରିଭୁବନ ଅନ୍ତର୍ଜାତୀୟ ବିମାନବନ୍ଦରରୁ ରବିବାର ସକାଳ ୧୦ଟା ୩୩ ରେ ଅବତରଣ କରିବାର କିଛି ମିନିଟ ପୂର୍ବରୁ ସେତି ନଦୀ କୂଳରେ ପୁରୁଣା ବିମାନବନ୍ଦର ଏବଂ ନୂତନ ବିମାନବନ୍ଦର ମଧ୍ୟରେ ଖସିପଡିଥିଲା।
