ଭୁବନେଶ୍ୱର,୨୦।୫(ବ୍ୟୁରୋ): ଓଡ଼ିଶାରେ ଶୁଟିଂ ହୋଇଛି ବ୍ଲାକ୍ସ୍ବାନ୍ ଗ୍ରୁପର ‘ଦ୍ୟାଟ୍ କର୍ମ’। ଏହି ମ୍ୟୁଜିକ ଭିଡିଓରେ ଓଡ଼ିଶା ତଥା ଭାରତର ପ୍ରଥମ କେ ପପ୍ ଷ୍ଟାର୍ ଶ୍ରେୟା ଲେଙ୍କା ଓ ତାଙ୍କ ୩ ସାଥୀଙ୍କ ଦମ୍ଦାର ଡ୍ୟାନ୍ସ ଦେଖିବାକୁ ମିଳିଛି। ଏହା ଶୁକ୍ରବାର ୨ଟା ୩୦ରେ ବ୍ଲାକସ୍ବାନ୍ ୟୁଟ୍ୟୁବ୍ ଚ୍ୟାନେଲ ମାଧ୍ୟମରେ ପ୍ରସାରଣ କରାଯାଇଛି। ଲିଙ୍ଗରାଜ ମନ୍ଦିର ସହ ପୁରୁଣା ଭୁବନେଶ୍ୱରର ଐତିହ୍ୟ ଓ ଶାନ୍ତିସ୍ତୂପର ସୌନ୍ଦର୍ଯ୍ୟରେ ମ୍ୟୁଜିକ ଭିଡିଓଟି ଚମକି ଉଠିଛି। ସେହିପରି ଓଡ଼ିଶୀ ନୃତ୍ୟ ମଧ୍ୟ ଏହି ଭିଡିଓରେ ସ୍ଥାନ ପାଇଛି। ଓଡ଼ିଶାର ପର୍ଯ୍ୟଟନସ୍ଥଳୀଗୁଡ଼ିକ ଏହି ଭିଡିଓ ମାଧ୍ୟମରେ ବିଶ୍ୱରେ ପହଞ୍ଚତ୍ପାରିଛି। ଏଥିସହ ଗ୍ରୁପ୍ ପକ୍ଷରୁ ଓଡ଼ିଶା ପର୍ଯ୍ୟଟନ ବିଭାଗକୁ ଧନ୍ୟବାଦ ଦିଆଯାଇଛି। ଚଳିତବର୍ଷ ଆରମ୍ଭରେ ପୁରୁଷ ହକି ବିଶ୍ୱକପ୍ ସମୟରେ ବ୍ଲାକ୍ସ୍ବାନ ଗ୍ରୁପ୍ ଓଡ଼ିଶା ଗସ୍ତ କରିଥିଲେ। ପ୍ରତ୍ୟାବର୍ତ୍ତନ ସମୟରେ ‘କ୍ଲୋଜ୍ ଟୁ ମି’ ନାମରେ ଏକ ୟୁଟୁବ୍ ଶର୍ଟସ ଭିଡିଓ ଅପ୍ଲୋଡ୍ କରିଥିଲେ। ତେବେ ୨୦୨୧ରେ ‘ଦ୍ୟାଟ୍ କର୍ମ’ର ଟିଜର ୟୁଟ୍ୟୁବ୍ରେ ମୁକ୍ତିଲାଭ କରିଥିଲା। ଏହାପରେ ସେମାନେ ଏହି ଭିଡିଓ ପାଇଁ ପ୍ରସ୍ତୁତି ଚଳାଇଥିଲେ। ଫ୍ୟାଶନ, ଷ୍ଟାଇଲ, ଭିଜୁଆଲ ଏବଂ ଗତିଶୀଳ କୋରିଓଗ୍ରାଫି ପାଇଁ ଏହି ଭିଡିଓକୁ ପ୍ରଶଂସା କରାଯାଇଛି।
