ନାଗପୁର,୧୭।୧୨: ମହାରାଷ୍ଟ୍ରର ନାଗପୁରର ବାଜାରାଗାଓଁରେ ଥିବା ସୋଲାର ଏକ୍ସପ୍ଲୋସିଭ୍ କମ୍ପାନୀରେ ବିସ୍ଫୋରଣ ଘଟିଛି। ଏଥିରେ ୯ ଜଣଙ୍କର ମୃତ୍ୟୁ ଘଟିଥିବା ବେଳେ ତିନି ଜଣ ଆହତ ହୋଇଛନ୍ତି। କାଷ୍ଟ ବୁଷ୍ଟ ପ୍ଲାଣ୍ଟରେ ପ୍ୟାକ କରିବା ସମୟରେ ଏହି ବିସ୍ଫୋରଣ ଘଟିଥିଲା। ବିସ୍ଫୋରଣ ଘଟିଥିବା ବେଳେ କମ୍ପାନୀରେ ୧୨ଜଣ ଲୋକ ଉପସ୍ଥିତ ଥିବା ପୋଲିସ ଅଧିକାରୀ କହିଛନ୍ତି। କମ୍ପାନୀରେ ଉପସ୍ଥିତ ଥିବା ସମସ୍ତ କର୍ମଚାରୀ ଏହି ବିସ୍ଫୋରଣରେ ଆହତ ହୋଇଥିଲେ। ବିସ୍ଫୋରଣ ଏତେ ଜୋରରେ ଥିଲା ଯେ ଏହାର ଶବ୍ଦ ବହୁ ପର୍ଯ୍ୟନ୍ତ ଶୁଣାଯାଇଥିଲା। ଏହା ପରେ କମ୍ପାନୀ ବାହାରେ ଭିଡ଼ ଜମିବା ସହ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା।