ଖୋର୍ଦ୍ଧା ଅଫିସ, ୨୮।୧: ଖୋର୍ଦ୍ଧା ଜିଲା ବାଣପୁରରେ ଘଟିଥିବା ଲୋମ ଟାଙ୍କୁରା ହତ୍ୟାକାଣ୍ଡରେ ଅଭିଯୁକ୍ତ ଆଶୀର୍ବାଦ ପ୍ରଧାନଙ୍କ ରିମାଣ୍ଡ ଅବଧି ଶନିବାର ଶେଷ ହେବ। ଘଟଣାର ତଦନ୍ତ ପାଇଁ ଆଶୀର୍ବାଦଙ୍କୁ ବାଣପୁର ପୋଲିସ ୨ ଦିନ ରିମାଣ୍ଡରେ ନେଇଥିଲା । ଶନିବାର ଅପରାହ୍ନ ୫ଟାରେ ତାଙ୍କ ରିମାଣ୍ଡ ଅବଧି ଶେଷ ହେଉଛି । ରିମାଣ୍ଡର ପ୍ରଥମ ଦିନରେ ମୃତକଙ୍କ ମୋବଇଲଟିକୁ ଅଭିଯୁକ୍ତ ରହୁଥିବା ଭଡାଘର ପାଖରେ ଥିବା କୂଅରୁ ପୁଲିସ ଉଦ୍ଧାର କରିଥିବା ଜଣାପଡିଛି ।